Ölkə futbolu

“Qarabağ” dağılmır, təmizlənir

Yay transfer dövrü hay-küylə başladı. Yox, hələlik…

Saat: 05:00 Tarix: 25/05/2018

tərəfindən paylaşıldı

Yay transfer dövrü hay-küylə başladı. Yox, hələlik hansısa ciddi transferdən danışa bilməyəcəyik. Diqqəti çəkən gedənlər, göndərilənlərdi.

Əslində, bu proses gözləniləndi. Normal düşüncəli rəhbərliyi olan klublar öncə təmizləmə işi aparır, heyəti lazımsızlardan boşaldır, daha sonra gərək duyulan mövqelərə futbolçu alır. “Qarabağ” əvvəlki mövsümlərdə bəzi səhvlər etmiş, heyəti həddindən artıq yükləmiş, üzdə olan əksər yerli futbolçuları düşərgəyə yığmışdı. Az qala 3 heyətə sahib komanda zaman keçdikcə bu addımın israfa səbəb olduğunu gördü. 8 komandalı çempionat üçün bu qədər futbolçuya gərək yox idi, onsuz da yükü 15-16 nəfər çəkirdi.

O da var ki, “Qarabağ” avrokubokda uğur qazanmağı hədəfləmişdi. Çempionlar Liqasının qrupuna vəsiqə yanlışların üstündən xətt çəkdu, hətta məşqçilərə bəraət də verdi. Heyətin zənginliyi heç bir halda ağdamlılara ziyan vermədi, əksinə, bəzi futbolçuların potensial(sızlığ)ını üzə çıxardı.

İndi “Qarabağ”ın 9 futbolçu ilə birdən yolunu ayırması ciddi müzakirəyə səbəb olub. Bu addımı komandanın iddiasından əl çəkməsi kimi qələmə verirlər. Halbuki siyahıya baxsaq, Ağdam klubunun maksimum 3 futbolçu itirdiyini deyə bilərik. Bir az da dəqiqləşdirsək, “Qarabağ” yalnız Riçard Almeydanı itirir.

Vida edilən oyunçuların statistikasına diqqət edin (mötərizədə oyunçuların matçlarda neçə dəqiqə keçirdiyi ayrıca göstərilib):

Riçard Almeyda – 21 oyun (1570 dəqiqə – 17, 45, 29, 90, 31, 90, 90, 90, 90, 70, 87, 90, 90, 90, 90, 77, 90, 45, 89, 90, 90)

Elvin Yunuszadə – 20 oyun (1753 dəqiqə – 90, 90, 90, 90, 90, 90, 90, 90, 34, 10, 90, 90, 90, 90, 90, 90, 90, 90, 90, 89)

Pedro Enrike – 19 oyun (1206 dəqiqə – 90, 61, 88, 90, 69, 26, 59, 26, 22, 90, 74, 90, 90, 85, 69, 45, 22, 88, 22)

İbrahim Şehiç – 18 oyun (1564 dəqiqə – 90, 90, 90, 90, 34, 90, 90, 90, 90, 90, 90, 90, 90, 90, 90, 90, 90, 90)

Rahid Əmirquliyev – 16 oyun (1138 dəqiqə – 90, 73, 90, 90, 90, 90, 55, 90, 83, 45, 76, 1, 80, 76, 90, 19)

Ramil Şeydayev – 15 oyun (769 dəqiqə – 90, 7, 65, 71, 45, 2, 90, 21, 14, 90, 62, 74, 14, 90, 34)

Əfran İsmayılov – 13 oyun (538 dəqiqə – 90, 90, 45, 21, 90, 7, 9, 11, 13, 45, 2, 62, 53)

Ağabala Ramazanov – 5 oyun (113 dəqiqə – 16, 5, 13, 13, 66)

Arif Daşdəmirov – 4 oyun (353 dəqiqə – 90, 90, 90, 83)

Cədvəldən göründüyü kimi, yalnız Almeyda üçün təəssüflənmək olar. Gedənlər arasında oyun sayında liderlik edən braziliyalı həm də komandanın döyünən ürəyi idi. Onun 3 dəfə artıq maaş təklifi aldığını nəzərə alsaq, “Qarabağ”ın onu buraxması gözləniləndi. Əks halda,Riçardın maaşı az qala “Səbail”in klub büdcəsinə bərabər olacaqdı.

Elvin Yunuszadə 1753 dəqiqə meydanda olmaqla bu baxımdan liderdi. Bədavi Hüseynovun zədəli olduğu dövrdə onu əla əvəzləyən mərkəz müdafiəçisi sırf xarakteri, intizamsızlığı üzündən qara siyahıya düşüb. O, ən azı əla əvəzedici kimi saxlanıla bilərdi.

Pedro Enrike oyun sayında 3-cüdü. Amma zədəyə meylli bu oyunçunun fiziki hazırlığında da problem var idi. Təsəvvür edin, o, cəmi 5 matçda əvəz edilməyib, üstəlik, 5 oyunda heç yarım hissə də qaçmayıb. 5 milyon avro transfer haqqı olan, icarədə olduğu vaxt aylıq 70 min avro (140 min manat) əməkhaqqı aldığı deyilən belə bir oyunçunu saxlamağın yeri varmı?

İbrahim Şehiçin gedişi təəssüf doğurur. 5 ildi “Qarabağ”da olan bosniyalı mövsümün əvvəlində ümumiyyətlə, heyətə düşə bilmirdi. Amma haqqını yemək olmaz, sabit oynamasa da, tez-tez kobud səhvlərlə yadda qalsa da, Ağdam klubunun əsas simalarından idi. Avrokubok matlarında səhvlərinə görə qınadığımız İbrahim ÇL-də başqalarının diqqətini çəkib. İndi dəvətləri çoxalıb, ona görə “Qarabağ”dan 350 min avroluq müqavilə istəyir. Bu isə qapıçı üçün yüksək hədd sayılır və Qurban Qurbanovun onu yola salması başadüşüləndi.

Rahid Əmirquliyev 16 oyun keçiribsə, buna görə daha çox avrokubokda oynayan yoldaşlarının yorğunluğuna borcludu. Təsadüfi deyil, o, əksər matçlarını qışa qədər, yəni “Qarabağ” ÇL-də mübarizə apararkən keçirib. İndi müqavilə məbləğinin azaldılmasına razılıq vermədiyindən gedişi labüd idi.

Ramil Şeydayev 15 oyunun 4-də 90 dəqiqə meydanda olub. Onun çox qarşılaşmada bir neçə dəqiqəlik meydanda olması da heyətə uyğunlaşa bilməməsindən xəbər verir. Qol sayı? Xatırlatmağa dəyməz, hücumçu üçün biabırçı göstəricidi.

Əfran İsmayılovun gedişi də normal qarşılanmalıdı. İstedadlı olsa da, tənbəlliyi üzündən az qala hər gün tənqid etdiyimiz yarımmüdafiəçi 2, 7, 9, 11 dəqiqəlik oyun vaxtı ilə Ağdam klubunda qala bilməzdi.

Ağabala Ramazanov keçirdiyi 5 oyunun cəmi birində start heyətdə yer alıb, üst-üstə 1 matç vaxtından azacıq çox meydanda olub. “İnter”dən qalmaqalla alınan yarımmüdafiəçi istedadına xəyanət etdiyi, məşqlərinə diqqətlə yanaşmadığı üçün indi klub axtarmalıdı.

Arif Daşdəmirov 4 oyunu əsasən mövsümün əvvəlində keçirib və indiyədək “Qarabağ”da saxlanmasına görə müqavilə şərtlərinə tam əməl edən kluba minnətdar olmalıdı.

Görundüyü kimi, “Qarabağ” 1-2 oyunçu istisna olunmaqla, artıq yükdən xilas olub. Bu futbolçulara verilən maaş isə az qala digər klubların ümumi büdcəsinin yarısına bərabər idi. Ona görə ağdamlıların bu “perezaqruzka”ya ciddi ehtiyacı var idi.

Qurbanovu Almeydanı qışda buraxmadığı, satıb kluba pul qazandırmadığı üçün qınayanlar var. Amma unutmaq olmaz ki, Riçardla vidalaşmaq ağdamlılara çempionluq bahasına da başa gələ bilərdi. Onun yoxluğundakı son 3 oyunda komandanın 2 məğlubiyyət alması da buna bariz nümunədi. Braziliyalı lider idi və ona yalnız indi layiqli əvəz axtarmaq olar.

Digər tərəfdən, “Qarabağ” qışda Dino Ndlovunu yaxşı qiymətə satmaqla və Tarik Elyunussi kimi bahalı oyunçudan qurtulmaqla onsuz da büdcəsinə qənaət etdi. Onlarsız da çempionluq qazanıldı və qənaət edilən pulu indi daha doğru xərcləmək olar.

“Qarabağ” bu yeniləməyə ən uyğun zamanda getdi. Düzdü, çətinlik olacaq, birdən-birə 6-7 oyunçu alınmalıdı. Hələ bu futbolçuların ansambla uyğunlaşması, seçimin dəqiq edilməsi kimi məsələlər var. Lakin vaxt çoxdu, klub qışdan bu yana bir çox oyunçunu ciddi nəzarətə götürüb. Ona görə də transferlərdə yanlışlıq ehtimalı faizi az olmalıdı.

Digər məsələ klub büdcəsinin qismən azalması ilə bağlıdı. Klub rəhbərliyi büdcəyə baxılacağını təsadüfən dilə gətirməyib. Qitə kuboklarında qrupa düşməmək ehtimalı da var. Belə olacağı təqdirdə çox bahalı heyətlə rəqabətsiz Premyer Liqada mübarizə aparmağın anlamı yoxdu. Transferlər yüz ölçülüb, bir biçilməlidi. Çox səviyyəli oyunçular Azərbaycana gəlmir, gələn də yalnız qrupda oynamaq üçün buna can atır. “Səbail”i, “Sabah”ı, “Sumqayıt”ı hətta indiki heyətlə də udmaq olar.

“Qarabağ”ın çox pul xərcləməsi həm də disbalans yaradır. Böyük büdcə ilə Azərbaycan çempionatının zəif komandalarına qarşı oynamaq artıq xərcdi. 2-3 legionerə digər hansısa klubun büdcəsi qədər pul vermək izafi xərcdi. Ağdamlılarala rəqabət apara bilməyənlər indi onu öz səviyyələrinə endirir. “Qarabağ” buna getməyə məcburdu, yoxsa özü məhv olar.

İndiki təmizləmə isə qorxulu proses deyil. Baş məşqçi Qurban Qurbanov kiçik istisnalarla ən doğru addımı atıb. Onun transferlərdə də eyni dəqiqliyi göstərəcəyinə ümid edirik.

FƏRİD

Əlaqəli xəbərlər:

Reklam

Ölkə futbolu2024-04-22 08:00

İddialıların “autsayder ovu”

Ölkə futbolu2024-04-22 08:34

Musa “Yurqorden” dəftərini bağladı?

Ölkə futbolu2024-04-23 12:31

AFFA-da gündəm: 12 komandalı Premyer Liqa, aşağı liqa klublarına dəstəyin artırılması

Milli komanda2024-04-23 16:30

Milli komandaya məşqçi seçimi: “Ad açıqlaya bilmərik”

Futbolinfo.az

“Qarabağ” dağılmır, təmizlənir

Reklam

Azərbaycan çempionatına start verildi

“Beşiktaş” yarımfinalın ilk görüşündə qol vura bilmədi

Dünya Güləş Birliyi Bayramovun Paris-2024-ə lisenziya qazandığını təsdiqlədi

Millimiz Belarus yığmasına böyük hesabla uduzdu

Musiala üçün daha bir müştəri

“Sabah” – “Səbail” oyununa xüsusi diqqət: Hədiyyələr olacaq

Bellingemin ən doğru addımı

Azərbaycan çempionatının qalibi bəlli oldu

“Göygöl”, “Şahdağ Qusar” və “Füzuli”dən qələbə

“Liverpul”un futbolçusu iki həftəlik sıradan çıxıb

“Fürsət düşsə, Rumıniyaya qayıdardım” – “Neftçi”nin futbolçusu

Azərbaycan millisinin rəqibi turnirdə iştirak edəcək

“Qarabağ”ın uğurlarına sevinirəm, amma “Neftçi” mənə daha əzizdir” – VİDEO

Samboçular Göygöldə hazırlaşır

“Barselona” və “Bayern”i istəmədi, klubu ilə yeni müqavilə bağladı

Yarımfinal oyunlarının təyinatları açıqlandı

AGF rəhbərliyi memorandum imzaladı

Bellingemə mükafatı Alkaras verdi

Milli komandaya məşqçi seçimi: “Ad açıqlaya bilmərik”

Millimiz Belarusda beynəlxalq turnirə qatılacaq

Varelanı Münhendə gözləyirlər

“Barselona” Arauxonu satmağa məcburdur

Modriç Madriddə qalır

AÇ-2024-ün oyunlarını idarə edəcək hakimlər bəlli oldu

“Prezident Kuboku-2024” beynəlxalq reqatasında 20-dən çox ölkə mübarizə aparacaq

Bakıda UEFA fitnes məşqçilik kursunun 1-ci modulu başlayıb

Meydançaya 1000-dən çox kepka atıldı

“Medison Skver Qarden” ən sevimli arena seçildi

Azərbaycan çempionatında ilk finalçı məlum oldu

Pioli “İnter”in gücünü etiraf etdi

Millimizin bolqarlarla heç-heçəsi – VİDEO

“Səbail” “Sumqayıt”a belə məğlub oldu – VİDEO

“Qəbələ” “Sabah”a belə qalib gəldi – VİDEO

“Kəpəz” “Sabah”a belə uduzdu – VİDEO

“Qəbələ” “Zirə”yə belə uduzdu – VİDEO

Qəbələdə 5 qol – VİDEO

“Səbail” “Neftçi”yə belə məğlub oldu – VİDEO

“Turan Tovuz”la “Qarabağ”ın məhsuldar heç-heçəsi – VİDEO

Ayxan Abbasov: “VAR-da olanlar başqa oyuna baxırdılar” – VİDEO

Qurban Qurbanov: “Oyunumuzdan razı qalmadım” – VİDEO

“Qarabağ”dan “Neftçi” üzərində inamlı qələbə – VİDEO

“Qəbələ” “Səbail”ə belə uduzdu – VİDEO

“Mütləq çempion olmaq kimi məqsədimiz yoxdur” – Rəşad Sadıqov

“Araz-Naxçıvan” “Zirə”yə belə qalib gəldi – VİDEO

“Kəpəz” “Qəbələ”yə belə uduzdu – VİDEO

Azər Məmmədov: “Çempionatın sonuna qədər…” – VİDEO

Elmar Baxşıyev: “Qələbə təsadüfi də ola bilər” – VİDEO

Gəncə azarkeşlərindən Tərlan Əhmədov səsləri – VİDEO

“Səbail”lə “Sabah”dan məhsuldar heç-heçə – VİDEO

“Turan Tovuz” “Neftçi”yə belə uduzdu – VİDEO

“Qəbələ” “Qarabağ”a belə uduzdu – VİDEO

“Səbail” “Araz-Naxçıvan”a belə qalib gəldi – VİDEO

“Sabah”la “Kəpəz”dən məhsuldar heç-heçə – VİDEO

“Zirə”nin “Neftçi” ilə heç-heçəsi – VİDEO

Turun açılış matçında heç-heçə – VİDEO

Millimiz Niderlandı belə darmadağın etdi – VİDEO

“Qarabağ” “Sabah”ı belə məğlub etdi – VİDEO

“Qəbələ”nin “Turan Tovuz”la heç-heçəsi – VİDEO

“Səbail”dən darmadağın – VİDEO

Azər Məmmədov: “Oyunumuz alınmadı” – VİDEO

Facebook

Gündəm