Müsahibə
Yuri Maksimov: “Ciddi dəyişikliklər etməliyik”
“Keşlə”nin baş məşqçisi Yuri Maksimov Azərbay…
“Keşlə”nin baş məşqçisi Yuri Maksimov Azərbaycan Kubokunun finalında "Qəbələ"yə 1:0 hesabı ilə qalib gəldikləri oyundan sonra brifinq keçirib.
Futbolinfo.az xəbər verir ki, ukraynalı mütəxəssis jurnalistlərin suallarını cavablandırıb…
– Oyun necə keçdi?
– "Qəbələ”nin güclü tərəflərini bilirdik. Əsas silahları irəlidə oynayan 3 legionerdi. Onların vasitəsilə hücuma çox sürətli çıxırdılar. Biz çalışdıq ki, öz yarım sahəmizdə onlara oynamağa imkan verməyək. Bunun üzərində çox çalışmışdıq.
– "Qəbələ”nin start heyəti sizin üçün sürpriz deyildi?
– Onlar sxemi dəyişmişdilər, "4-4-2” oynamadılar. Amma bu, elə də sürpriz olmadı. Baqali Dabo sol cinahda yarımmüdafiə-hücum qarışığı kimi oynayırdı. Filip Ozobiç də mərkəzdə yox idi. Onlar da bizim kimi 3-4-3 şərti düzülüşü ilə meydana çıxmışdılar.
– Güzgü sxemi…
– Bəli, biz onların 3 hücumçusunu mərkəzdə zərərsizləşdirməyə çalışdıq. Düşünürəm ki, şans da bizim yanımızda idi. Çünki futbolda şansın köməyi olmadan uğur qazanmaq çətindi. Biz də 0:1 hesabı ilə uduza bilərdik. Nəticədən razıyıq.
– Əsas sual. Sonra necə olacaq?
– Bu artıq bizim yox, AFFA-nın məsələsidi.
– Sizin karyeranızı soruşuruq…
– Bilmirəm, gözləyək, görək nə olacaq. Amma düşünürəm ki, yəqin Zaur Axundov da qalmağımı istəyir. Mən də bunun əleyhinə deyiləm. Lakin avrokuboklarda uğur qazanmaq istəyiriksə, ciddi dəyişikliklər etməli, güclənməliyik.
– Həmyerliniz Roman Qriqorçuk artıq istefasını elan etdi. Necə düşünürsüz: onun Azərbaycandakı karyerası alındı?
– Düşünürəm ki, o burada çox yaxşı işlər gördü. Ukraynada da haqqında yaxşı fikir formalaşıb.
– Qarşıda avrokuboklara çox az zaman qalıb. Komandadakı taleyiniz bəlli deyil…
– Biz hələ bilmirik büdcəmiz necə olacaq, kimdən asılıyıq. Konkret heç nə məlum deyil. Yeni müqavilə imzalayacağıqsa, bunların hamısını danışmalıyıq.
- Ölkə futbolu2024-04-22 08:00
İddialıların “autsayder ovu”
- Ölkə futbolu2024-04-22 08:34
Musa “Yurqorden” dəftərini bağladı?
- Ölkə futbolu2024-04-23 12:31
AFFA-da gündəm: 12 komandalı Premyer Liqa, aşağı liqa klublarına dəstəyin artırılması
- Milli komanda2024-04-23 16:30
Milli komandaya məşqçi seçimi: “Ad açıqlaya bilmərik”