Ölkə futbolu
AFFA-nın Lənkəran xofu
Qarşıdakı mövsümdən 1-ci divizionda çıxış etm?…
Qarşıdakı mövsümdən 1-ci divizionda çıxış etmək istəyən "Xan Lənkəran" klubunun tərəfdarları AFFA prezidenti Rövnəq Abdullayevə müraciət ünvanlayıb. Müraciətdə bunlar qeyd olunub:
"Xan Lənkəran" Peşəkar Futbol Klubu Azərbaycanda dünya standartlarına uyğun model kimi iyun ayının 1-də təsis olunub. Klubun rəsmi fəaliyyətinin 2 ayı tamam olmayıb. Bu iki ay ərzində əldə etdiyimiz nəticələr aşağıdakılardır:
– 400.000 manatlıq baş sponsor müqaviləsi.
– 50.470 manatlıq hissə satışı və ianə yığımı.
– Ölkə xaricindən 200.000 manatlıq hissə satışı anlaşması.
– "Pody" geyim istehsalı ilə bağlı fabrik təminatlı anlaşma (satıldıqca ödəmə sistemli).
– Turizm şirkəti ilə təlim məşq toplanışı üçün Ukrayna gediş-dönüş səfərlərinin reklam əsaslı təminatı anlaşması.
– Oyunlarda reklam lövhələri ilə bağlı ilkin razılıqlar.
– Forma nömrəaltı reklamı üçün sponsorluq anlaşması.
Bütün bu nəticələrə baxmayaraq, klubumuz AFFA İcraiyyə Komitəsinin 24 iyul tarixli qərarı ilə 1-ci diviziona buraxılmamaq perspektivi ilə üzləşib. Klubun idarə heyəti 1-ci divizionda iştirak üçün iyunun 15-də Peşəkar Futbol Liqasına müraciət etsə də, həmin müraciətə İK-nin 1 aydan sonrakı toplantısından sonra cavab verilib və məlum qərar əsas göstərilərək, "Xan Lənkəran" PFK-na həvəskarlardan ibarət Region liqasında oynamaq tövsiyyə olunub. Bununla da klubun həm sponsor müqavilələrini, həm də hissə qoyuluşlarını itirməsi təhlükəsi yaranıb.
Biz hesab edirik ki, "Xan Lənkəran" modelində müstəqil maliyyə qaynaqları formalaşdıran, özünü maliyyələşdirən kluba qarşı bu münasibət səhvdir, Azərbaycan futbolunun yenilikçi layihələrlə inkişafının qarşısını almaqdır.
İmzamızla xahiş edirik ki, "Xan Lənkəran" PFK-nun 2018-2019 futbol mövsümü üçün 1-ci divizionda iştirakı məsələsinə yenidən baxılsın və kluba şərait yaradılsın”.
AFFA İcraiyyə Komitəsinin son iclasından sonra federasiyanın baş katibi Elxan Məmmədov aralarında “Xan Lənkəran”ın da olduğu bir neçə klubun qarşıdakı mövsümdə 1-ci divizionda iştirak etməyəcəyini bildirmişdi. “Xan Lənkəran” tərəfdarları isə məhz bu qərara etiraz olaraq, Rövnəq Abdullayevə müraciət edib, imzatoplama kampaniyasına start verib.
Müraciəti 1200 nəfərin imzalaması faktı çox şeydən xəbər verir. Cənub bölgəsində futbolu çox sevirlər və AFFA buna biganə qalmamalıdı. Bəli,klub quruculuğunda yanlışlar ola bilər, bəlkə “Xan Lənkəran”ın da təməli sağlam deyil. Lakin istənilən halda, debütanta münasibət bu qədər sərt olmamalıdı. Yoxlanmalı, qərar verilməlidi.
Hə də AFFA-nın birdən-birə Region Liqasında oynamayanları I diviziona buraxmaması da doğru deyil. İndiyə kimi belə qadağa olmayıb və cənublular da işini buna uyğun qurub. Qadağa bir il, azı 6 ay əvvəldən açıqlanmalı idi. O zaman insanlar da işini buna uyğun qurardı – ya klub yaratmazdılar, ya da Region Liqasına görə tədbir tökərdilər. Məmmədovun yuxusuna haram qatılıb, monopoliyasına təhlükə var deyə qəfil belə danışması yolverilməzdi.
Ortada hansısa reqlament yoxdu, heç vaxt divizionda oynamaqla bağlı sərhəd olmayıb. “Sabah”, “Binə” və başqaları da ötən il divizionda birdən-birə peyda olmuşdu. Lənkəran səhnəyə çıxan kimi niyə belə tələbkar oldular ki? Razıyam, hər şey qanin çərçivəsində olmalıdı, amma öncə AFFA özü bu qanunlara riayət etsin. Baş katibin kefi istəmirsə, “olmaz” deyə bir şey yoxdu.
Lənkəran AFFA üçün həmişə zəif nöqtə olub. Baş əyməyən, müstəqil olan bu şəhərin futbolsevərləri qısa müddətdə yoxdan komanda yarada bildiklərini ortaya qoydular. Bu, Müşahidə Şurasından da ideal sistemdi, bəlkə də hətta SOCAR-ın özünü maraqlandıracaq təşəbbüsdü. Niyə əngəl olursuz? Heç olmasa, nə olduğunu araşdırın…
AĞA
- Ölkə futbolu2024-04-23 12:31
AFFA-da gündəm: 12 komandalı Premyer Liqa, aşağı liqa klublarına dəstəyin artırılması
- Milli komanda2024-04-23 16:30
Milli komandaya məşqçi seçimi: “Ad açıqlaya bilmərik”
- Milli komanda2024-04-22 13:46
Fişer: “AFFA-dan təklif almamışam”
- Ölkə futbolu2024-04-23 08:00
“Səbail” “Sabah”a uduzsa…