Super Liqa klubu birini alıb, ikisini göndərdi

Türkiyənin “Bursaspor” klubu braziliyalı futbolçu Allano Limanı heyətinə qatdığını rəsmən açıqlayıb.

Futbolinfo.az xəbər verir ki, Super Liqa klubu 23 yaşlı oyunçunu Portuqaliyanın “Eştoril” komandasından 1 illik icarəyə götürüb. Amma türklər sözügedən yarımmüdafiəçinin mövsümün sonunda transfer hüququnu da almaq şansı qazanıb.

Bursa klubu Limanın bir illik icarəsinə görə klubuna 350 min avro ödəyəcək. Onun transferi üçün isə gələn il 2,5 milyon əlavə ödəniş edilməlidi. Oyunçu özü də qarşıdakı mövsümdə 300 min avro qazanacaq.

Bu arada “Bursaspor” iki futbolçusu ilə də yollarını ayırıb. Belə ki, Sercan Yıldırımıa Serdar Kurtuluş klub rəhbərliyi ilə görüş keçirib. Görüşün ardından tərəflər qarşılıqlı razılıq əsasında yollarını ayırmağa qərar veriblər. Klub rəsmi saytı vasitəsilə hər iki oyunçuya göstərdikləri xidmətə görə təşəkkür edib.