Milli komanda
Millimiz yenə qələbəyə həsrət qaldı
21 yaşadək futbolçular arasında AÇ-2019-un seç…
21 yaşadək futbolçular arasında AÇ-2019-un seçmə mərhələsi çərçivəsində növbəti oyunlar keçirilib.
Futbolinfo.az xəbər verir ki, 5-ci qrupda yer alan Azərbaycanın gənclərdən ibarət millisi də bu gün cari tsikldə 8-ci matçına çıxıb.
Rəşad Sadıqovun çalışdırdığı komandamız doğma meydanda İsraillə üz-üzə gəlib. “Dalğa Arena”da keçiriləcək oyunda millimiz ilk qələbəsini qazanmağı hədəfləmişdi.
Əvvəlki 7 oyunda qələbə qazana bilməmiş U-21 yığmamız cəmi 1 matçda heç-heçə edib, qalan bütün görüşlərdə məğlubiyyətlə üzləşmişdi. Seçmə mərhələnin ilk turu çərçivəsində səfərdə qarşılaşdığımız İsraillə oyunda isə 1:3 hesablı məğlubiyyətə üzülmüşdük. Bu üzdən komandamız həm həmin məğlubiyyətin qisasını almaq, həm də ilk 3 xalını qazanmaq arzusundaydı.
Qarşılaşmada hesabı məhz millimiz açıb. Matç başlayan kimi irəli atılan futbolçularımız artıq 35-ci saniyədəcə önə keçməyə nail olublar. Amma fasilə ərəfəsində israilli gənclər bərabərlik qolunu vurublar. Matçın sonlarında yığmamız yenidən bu görüşdə hesabda önə keçmək şansı qazanıb. Amma Fəhmin Muradbəylinin qazandığı penaltini Ziya Əzizov boşa verib. Onun zərbəsini rəqib qapıçı dəf etməyi bacarıb. Beləcə, U-21 millimiz 8-ci cəhdində də qələbə həsrətinə son qoya bilməyib və ikinci heç-heçə ilə təsəlli tapıb.
AÇ-2019-un seçmə mərhələsi
5-ci qrup
6 sentyabr
Azərbaycan – İsrail 1:1
Qol: R.Dadaşov, 1 – Ş.Vayssman, 30.
Matçın 86-cı dəqiqəsində Ziya Əzizov penaltidən yararlana bilməyib – qapıçı
Hakimlər: Trustin Farruciya Can, Alan Kamilyeri, Luk Portelli, Malkolm Spiteri.
Bakı. “Dalğa Arena”.
Azərbaycan: 12. Kamran İbrahimov, 2. Sertan Taşqın (k), 3. Anton Krivotsyuk, 4. Eltun Turabov, 6. Hacıağa Hacıyev, 8. Budaq Nəsirov, 9. Fəhmin Muradbəyli, 10. Renat Dadaşov, 16. İsmayıl İbrahimli, 17. Ozan Can Kökçü, 20. Yusif Nəbiyev.
Ehtiyat oyunçular: 22. Aydın Bayramov, 5. Elvin Sərkərov, 7. Fərid Nəbiyev, 11. Barış Ekincier, 13. Ziya Əzizov, 18. Amin Seydiyev 21. İlkin Muradov.
Baş məşqçi: Rəşad Sadıqov.
İsrail: 1. Assaf Tzur, 2. Yozef Raz Meyr, 3. Yarden Mordehay Kohen, 4. İdan Nakmias (k), 5. Amit Bitton, 6. Neta Lavi, 9. Yonatan Kohen, 11. Şon Zalman Vayssman, 17. Or Dasa, 20. Qavriel Kaniçovski, 21. Moti Barşazki.
Ehtiyat oyunçular: 23. Haviv Ohayon, 7. Omer Lako, 10. Matan Hozez, 12. Raz Nahmias, 15. Ofri Arad, 19. Ehab Qnayem, 22. Yonas Malede.
Baş məşqçi: Marko Balbul.
1. Almaniya – 16
2. İrlandiya – 13
3. Kosovo – 11
4. Norveç – 11
5. İsrail – 8
6. Azərbaycan – 2
- Müsahibə2024-04-18 08:00
Rezabala avrokuboka vəsiqə istəyir: “Səhv etməyə ixtiyarımız yoxdur”
- Ölkə futbolu2024-04-19 08:52
Yüksək əmsal “Qarabağ”a əlavə üstünlük verir
- Digər idman növləri2024-04-18 17:00
Şahmat Federasiyası yeni loqonun hazırlanması ilə bağlı müsabiqə elan etdi
- Ölkə futbolu2024-04-19 08:00
Juninyoya Niderlanddan da müştəri çıxdı