Bernard Şalland: “İki hücumçu ilə oynayacağıq”

“Bizim üçün yeni məcarının başlanğıcıdı. Millətlər Liqası çox gözəl turnirdi. AÇ-2020-yə vəsiqə qazanmaq bizim də arzumuzdu”.

Futbolinfo.az xəbər verir ki, bunu Kosovo yığmasının baş məşqçisi Bernard Şalland Azərbaycan millisi ilə UEFA Millətlər Liqasının ilk oyunundan əvvəl təşkil olunan mətbuat konfransında deyib. 67 yaşlı isveçrəli mütəxəssis daha sonra jurnalistlərin suallarını cavablandırıb:

– Rəqibin güclü və zəif cəhətləri barədə nə deyə bilərsiniz?
– Azərbaycan millisi haqda məlumatım var. Məşqçiyəm, araşdırmışam. Bu mənim işimdi. Azərbaycan ötən seçmə mərhələdə 10 xal toplayıb. FIFA reytinqində də üst pillədədi. Azərbaycanı qrupun favoriti sayıram. Bizim çox güclü qrupumuz var. Malta və Farer adaları da yaxşı komandalardı. D liqasının ən güclü qrupu bizimkidi.

– Azərbaycan millisini favorit sayırsınız. Bəs, Kosovo yığması buraya nəyə gəlib?
– Belə deməkdə məqsədim Kosovonun cavan komanda olmasını vurğulamaqdı. Biz cəmi bir seçmə mərhələ görmüşük. Belə cavan komanda ilə bura gəlib, qalib gələcəyimizi söyləyə bilmərəm. Hazırda Portuqaliya Farer adalarına qarşı oynasa, çətinlik çəkər. Bu gün futbolda hər şey başqa cürdü.

– Kosovo millisinin futbolçuları Avropanın klublarında çıxış edir. Bu, sizin üçün üstünlükdü?
– Bayaq da dedim, Kosovo yeni yığmadı. Bəli, bizim futbolçular başqa ölkələrdə çıxış edirlər. Bu, bizim üçün üstünlükdü. Azərbaycanlı futbolçuların xarici klublara getməməsinin səbəbini bilmirəm. Bəlkə burda onlara daha çox pul verirlər. Azərbaycana qarşı oynamaq bütün komandalar qarşı çətin olacaq. Amma AÇ-2020-yə düşmək bizim üçün həm arzu, həm də məqsəddi.

– Valon Berişanın yoxluğu oyununuza mənfi təsir edəcək?
– Təbii ki, Berişa ən məşhur və yaxşı oyunçularımızdan biridi. Təəssüf ki, zədə səbəbindən oynaya bilməyəcək. Oktyabrda sıraya dönməlidi. Məşqçi kimi ona layiqli əvəzləyici tapmalıyam.

– Hücumda sürətli oyunçuları oynadacaqsız, yoxsa ucaboy forvardlara şans verəcəksiz?
– Yaxşı sual deyil (gülür). Komandam haqqında indidən məlumat verə bilmərəm. Onu deyə bilərəm ki, hücumçuların sayı 2 olacaq.

– Besar Haliminin yoxluğunda komandadan yaradıcılıq gözləyirsiz?
– Bəli, Halimi yardıcılıq baxımından önəmli oyunçudu. Amma onun yerinə cavan futbolçularımız var. Problem olmamalıdı. (Report)