Ölkə futbolu
“Əsas məqsədim A milliyə dəvət almaqdır” – U-21 yığmamızın üzvü
“Seçmə mərhələdə son oyunumuzdur. Çox ciddi h…
“Seçmə mərhələdə son oyunumuzdur. Çox ciddi hazırlaşmışıq. İnanıram ki, səfərdən yaxşı nəticə ilə qayıdarıq”.
Futbolinfo.az xəbər verir ki, bu sözləri U-21 yığmamızın üzvü Fəhmin Muradbəyli deyib. 21 yaşadək futbolçular arasında Avropa çempionatının seçmə mərhələsinin Norveçlə səfər oyunu öncəsi brifinq keçirən gənc futbolçu matça ciddi yanaşdıqlarını bildirib: “Süni meydançada oynayacağıq deyə məşqlərimizi də süni örtükdə etmişik. Toplanışın əvvəlində yükləmələr oldu. İndi yavaş-yavaş tempi aşağı salırıq, oyuna köklənirik. Daha çox taktiki məşqlərə üstünlük veririk. Komandada ab-hava əladır. Hamı oyun haqda ciddi fikirləşir. Bu görüşdən 3 xalla ayrılmaq istəyirik. Rəqibi yaxşı analiz etmişik”.
22 yaşlı yarımmüdafiəçi səfərə qələbə üçün yollanacaqlarını söyləyib: “Baş məşqçimiz qələbə qazanacağımıza inanır. Burdakı oyunda hesab matça görə olmadı. Adi səhvlərdən qollar buraxdıq. Buna baxmayaraq, sonadək mübarizə apardıq. Ruhdan düşmədik. Ümid edirəm ki, həmin səhvləri təkrar etməyəcəyik. Səfərə qələbə üçün gedirik”.
“Səbail”in formasını geyinən Fəhmin son vaxtlar uğurlu çıxışının səbəbini də açıqlayıb: “Rejim hər bir futbolçu üçün vacibdir. Bacardığım qədər bunların hamısına fikir verirəm. Çempionatda daha yaxşı oynamaq üçün əlimdən gələni edirəm. Əsas məqsədim A milliyə dəvət almaq və orada yerimi möhkəmlətmək istəyirəm”.
Qeyd edək ki, Norveç – Azərbaycan oyunu oktyabrın 16-da keçiriləcək.
- Ölkə futbolu2024-04-12 08:00
Mikayıl Cabbarovun kadrları azərbaycanlılara qarşı
- Ölkə futbolu2024-04-13 08:35
Leandro Azərbaycan dilini öyrənib: “Qarabağ”da yaşadıqlarım mənim üçün gözəl hekayədir”
- Milli komanda2024-04-12 18:00
Millinin Gürcüstanla oyunlar üçün heyəti açıqlandı
- Premyer-liqa2024-04-13 20:52
“Neftçi” “Araz-Naxçıvan”ı darmadağınla yola saldı