Müsahibə
“Azərbaycan millisindən revanş almaq istəyirik” – Rene Yonsen
UEFA Millətlər Liqasının 5-ci turunda Azərbaycan yığması ilə …
UEFA Millətlər Liqasının 5-ci turunda Azərbaycan yığması ilə qarşılaşacaq Farer adaları millisinin yarımmüdafiəçisi Rene Yonsen futbolinfo.az saytına müsahibə verib.
Vinger əvvəlcə oyunun çətinliyindən danışıb:
– Bizim üçün möhtəşəm oyun olacaq. Yüksək səviyyədə 3 xala köklənmişik. Bakıda qalib gəlmək istəyirik. Çünki bu bizim üçün önəmlidi.
– Revanş istəyirsiz?
– Əlbəttə ki, revanş almaq istəyirik. Ona görə də ən yaxşı oyunumuzu ortaya qoyacağıq. Bunun üçün yaxşı hazırlıq keçmişik. Heyətdəki bütün futbolçular ən yaxşı çıxışlarını göstərəcklər. Görək necə olacaq.
– Evdə rəqibinizə 0:3 hesabı ilə uduzmusunuz. Bu Azərbaycan yığması üçün avantaj ola bilər?
– Düşünmürəm ki, ciddi avantaj olsun. Çünki həmin oyunun statistikasına baxsaq, bizim 22 zərbəmizə rəqib cəmi 4 zərbə ilə cavab vermişdi. Bu da yaxşı oynadığımızın göstəricisidi. Yenidən buna cəhd etməyə, daha yaxşı oynamağa çalışacağıq. İndiki halda biz pozitivik və Bakıda yaxşı nəticəyə ümid edirik. 3 xalı qazanacağımıza çox inanıram.
– Səncə, evdə niyə uduzdunuz?
– Mən buna şanssızlıq deyərdim. Yaxşı oynasaq da, qapıya zərbələr vursaq da, alınmadı.
– Şansları faizlə dəyərləndirsək…
– Belə dəyərləndirmək çətindir. Futbolda meydana çıxan zaman hər iki komandanın şansı eyni olur. Düşünürəm ki, hər cür hesab qeydə alına bilər.
– Azərbaycan yığması Kosovonu məğlub edə bilərmi?
– Azərbaycan yığması Kosovoya qarşı oynadığı ilk oyun kimi çıxış etsə, məncə, yaxşı nəticə qazana bilərlər. Səfər və ya ev olmasına baxmayaraq, Azərbaycan millisinin gücü var.
– Bilirsiniz ki, Azərbaycan sizə uduzsa, qrupdan çıxmaq şansını itirir?
– Bunu bilirik və heç nə dəyişmir. Biz son 2 oyunda 6 xalı hədəfləmişik. Ona görə də meydana uduzmaq üçün yox, udmaq üçün çıxacağıq.
– İlk oyundan hansı futbolçular xatirinizdə qalıb ki, onları daha çox zərərsizləşdirməyə çalışacaqsınız?
– Üzr istəyirəm kİ, Azərbaycan millisindən çox futbolçunu tanımıram. Yalnız braziliyalı oyunçu yadımda qalıb (Riçard Almeydanı nəzərdə tutur). O, həqiqətən meydanda ən yaxşılardandır və çox iş görür.
AĞA
- Ölkə futbolu2024-04-30 09:15
“Qarabağ” Avropada 2-ci yeri bölüşdürür
- Ölkə futbolu2024-04-29 08:00
Avrokuboka vəsiqə üçün vacib qələbələr: Sumqayıtda hakimlər də iş başında idi
- Ölkə futbolu2024-04-29 09:25
“Nitsa” Benzianı istəyir
- Ölkə futbolu2024-04-30 15:31
Riad Rəfiyevin çempionatı: hakimlər qışdan bəri “Sumqayıt”a 8 xal hədiyyə edib