Ölkə futbolu
Elxan Məmmədovun 2020 vədi
Elxan Məmmədov kiçik bir döyüşün qalibidi. AF…
Elxan Məmmədov kiçik bir döyüşün qalibidi. AFFA-nın baş katibi özünün yaratdığı və başlatdığı müharibədə hələlik ciddi heç nəyə nail olmayıb.
Millinn baş məşqçisi Qurban Qurbanovun postundan uzaqlaşdırılmasını Məmmədovun ağıllı gedişi sayanlar tələsir. Bəli, katib istədiyinə nail oldu, futbol ictimaiyyətinə meydan oxuya-oxuya 6 illik müqaviləni 1 ilin tamamında xətm etdirdi. Ancaq o, bunun üçün beyin müharibəsi aparmadı, təmiz niyyətlə işləyən, diplomatik bacarığı, məkrli siyasəti, hiyləgərliyi olmayan sadəlövh birinə qalib gəldi.
Qurbanov futbol tariximizin ən uğurlu məşqçisidi, lakin oyunbaz, siyasətçi deyil. Onun güclü rıçaqları, dayağı da yoxdu. İctimaiyyət, azarkeşlər arasında nüfuzu zəhməti ilə qazanıb. Məmmədov bütün bunlara rəğmən, qalib gəldisə, əlaqələrinə, oyun çevirmə bacarığına minnətdar olmalıdı.
Qurbanov o qədər sadəlövh biridi ki, hətta İcraiyyə Komitəsinin taleyinin həll olunduğu iclasına da qatılmadı. Məmmədov gözəl bilirdi ki, İK üzvləri onun gözünün işinə baxa-baxa belə qərar verəcək gücdə deyillər. Bunun üçün bəlkə də ilk dəfə heyət tam tərkibdə yığılmışdı, hətta tədbir son üzv gələnə kimi start götürməmişdi.
Beləcə oyunbazlıqla Məmmədov istədiyinə nail oldu, kabinetlərdə Qurbanov haqqında mənfi rəy yazdıra bildi. Qurban bəy isə müqavimət göstərmədən hətta nüfuzunun zədələnməsinə razı oldu. Amma…
…Amma Məmmədov özünü də böyük oyunun içinə atıb. Hər dəfə məşqçiləri, digər kadrları dəyişməklə özünü qoruyan katib yenə İK-nın əli ilə istefaya nail oldu. Bu, ona böyük risk hesabına başa gəlib. Son brifinqdə onun 2020-ci ilin vacib olması barədə fikri təkrar-təkrar səsləndirməsi təsadüf deyildi. Ölkə rəhbərliyi də, azarkeşlər də Avropa çempionatının final mərhələsinə vəsiqə gözləyir. Qurbanovun əvəzlənməsinə də buna görə razılıq verilib. İndi baş katib mütləq bu vəzifənin öhdəsindən gəlməlidi. Əks halda, bir ildən sonra onun öz taleyini müzakirə edəcəyik.
Elxan bəy vəzifədəki ömrünü daha bir il uzatdı. 12 ildə heç bir iş görməyən, zamanı yola verən katib indi nəticəyə nail olmalıdı. Hansı məşqçiylə, hans yolla olursa-olsun… Söz verib!
- Ölkə futbolu2024-04-30 09:15
“Qarabağ” Avropada 2-ci yeri bölüşdürür
- Ölkə futbolu2024-04-29 08:00
Avrokuboka vəsiqə üçün vacib qələbələr: Sumqayıtda hakimlər də iş başında idi
- Ölkə futbolu2024-04-29 09:25
“Nitsa” Benzianı istəyir
- Ölkə futbolu2024-04-30 15:31
Riad Rəfiyevin çempionatı: hakimlər qışdan bəri “Sumqayıt”a 8 xal hədiyyə edib