Ölkə futbolu
De Byazi “Futbolinfo”ya danışdı: “Təklif almışam, sadəcə, gözləməliyəm”
Milli komandamızın baş məşqçisi postuna ən real namizəd …
Milli komandamızın baş məşqçisi postuna ən real namizəd olan Canni de Byazi ilə AFFA arasında danışıqlar bu həftə reallaşacaq. Qiyabi danışıqlar artıq şərtlərin dəqiqləşdirilməsi ilə inkişaf etdiriləcək. İtaliya mətbuatının məlumatına görə, həlledici görüşdə 62 yaşlı çalışdırıcı AFFA-nın şərtlərini qəbul etsə, təyinat baş tutacaq.
Albaniya mətbuatında isə de Byazi ilə bağlı yeni iddia ortaya atılıb. Təcrübəli çalışdırıcı ilə Ermənistan Futbol Federasiyası da anlaşmaq istəyir.
İtaliyanın bir neçə klubunu çalışdıran, 2011-2017-ci illərdə Albaniya millisinin “sükanı arxasında” olan mütəxəssis komandanı tarixində ilk dəfə Avropa çempionatının final mərhələsinə çıxarmışdı. O, son olaraq, 2017-ci ildə İspaniyanın "Alaves" klubunu çalışdırıb.
Bir ildi işsiz olan italiyalı yeni macəranı həyəcanla gözlədiyini deyib. Lakin o, hansı yığmadan təklif aldığını açıqlamayıb: "Xarici ölkənin milli komandasını çalışdırmaqla bağlı təklif almışam və hazırda bunun həyəcanını yaşayıram".
Dünən gecə isə saytımıza qısa açıqlama verən de Byazi təklif aldığını təsdiqləyib: "Bəli, mənimlə milli komanda üçün əlaqə saxlanılıb. Amma hazırki vəziyyətdə sadəcə, gözləməliyəm".