Ölkə kuboku
“Qəbələ” üçün 14-cü start və yubiley matçı
Bu həftə futbol üzrə Azərbaycan kubokunda 1/4 final mərhəl?…
Bu həftə futbol üzrə Azərbaycan kubokunda 1/4 final mərhələsinin ilk oyunları keçiriləcək.
Futbolinfo.az xəbər verir ki, yarışa bu raunddan başlayan “Qəbələ” kubokda 2018/19 mövsümünə start verəcək. “Qırmızı-qaralar” “Sabah”la ilk oyununu dekabrın 16-da evdə, cavab görüşünü 4 gün sonra səfərdə keçirəcək.
Qəbələ şəhər stadionundakı qarşılaşma ilə bu komanda ölkə kubokunda özünün 14-cü mövsümünə start verəcək. Əvvəlki 13 cəhddə “Qəbələ” 59 oyun keçirib. Yubiley – 60-cı matçına çıxacaq “qırmızı-qaralar” indiyədək 30 dəfə qalib gəlib, 17 dəfə heç-heçə edib və 12 dəfə uduzub. Turnirdə 101 qol vuran komanda 51 top buraxıb.
“Qəbələ” indiyədək “Sabah”la yalnız Topaz Premyer Liqasında görüşüb. Paytaxt təmsilçisi “qırmızı-qaralar”ın kubokdakı 18-ci rəqibi olacaq. Komanda əvvəlki 13 mövsümdə 17 rəqiblə üz-üzə gəlib.
Yarışda 2005/2006 mövsümündə debüt edən “Qəbələ” indiyədək 3 dəfə finalda (2013/2014, 2016/17, 2017/18), 3 dəfə də yarımfinalda (2007/2008, 2008/2009, 2015/16) uduzub. 4 dəfə 1/4 finalda (2010/2011, 2011/2012, 2012/2013, 2014/2015) mübarizəni dayandıran “Qəbələ” yalnız 3 dəfə (2005/2006, 2006/2007 və 2009/2010) 1/8 final səddini adlaya bilməyib.
Əvvəlki 59 qarşılaşmada “Qəbələ”nin heyətində 183 futbolçu meydana çıxıb. Onlar arasında rekordçu Ürfan Abbasovdu – 23 oyun. Samir Zərgərov 18, Voyislav Stankoviç 16 kubok matçına çıxıb.
Kubokda vurulan 101 qola 53 futbolçu imza atıb. Daha bir top rəqib avtoqolu hesabına gerçəkləşib. “Qəbələ”nin heyətində ən çox qol sevinci yaşayan Kənan Kərimov 7, Filip Ozobiç 6, Vüsal Qarayev 5 dəfə fərqlənib.
- Premyer-liqa2024-05-04 21:21
“Neftçi” “Qarabağ”a böyük hesabla uduzdu
- Ölkə futbolu2024-05-03 15:05
“Neftçi”nin transfer etmək istədiyi futbolçu Danimarkada həbsdə olub – cinsi təcavüzə görə
- Digər idman növləri2024-05-03 13:25
Tanınmış idmançılarla – öncə master-klas, sonra birgə məşq
- Ölkə futbolu2024-05-03 14:00
“Neftçi”nin riskli seçimi: lazımsız legionerlə 4 illik müqavilə bağlayırlar