Ölkə kuboku
Qurban Qurbanov: “Nəticə və oyundan razı qaldım”
“Qarabağ”ın baş məşqçisi Qurban Qurbanov Azər…
“Qarabağ”ın baş məşqçisi Qurban Qurbanov Azərbaycan kubokunun 1/4 final mərhələsi çərçivəsində “Keşlə”yə qarşı keçirdikləri ilk oyunu şərh edib.
Futbolinfo.az xəbər verir ki, Ağdam klubunun çalışdırıcısı 1:0 hesabıyla qalib gəldikləri matçdan sonra bunları söyləyib:
– Çətin oyunun olacağını hiss edirdik. Yorğunluq hiss olunurdu. Nəticə və oyundan razı qaldım. Bu komanda kubok oyunlarında çox fərqli oyun sərgiləyir. Çempionat və kubok oyunları fərqlidir. Cavab görüşlərində daha diqqətli olmalı, daha çox mübarizə aparmalıyıq. Matça tam hazır olmağa çalışacağıq.
– "Keşlə"nin 4 müdafiəçi ilə oynaması nə dərəcədə gözlənilməz oldu?
– Bu gün belə oynayacaqlarını gözləyirdim. Əvvəlki qarşılaşmanı da belə taktika ilə keçirmişdi. Açığı, biz 5-li müdafiəyə hazırlaşmışdıq.
– Cavab görüşü süni örtüklü meydanda keçiriləcək. Bu, sizə problem yarada bilər?
– Orada oynamaq həqiqətən də ağır olur. Belə meydanlarda kiçik zədələrdən həmişə narahat olmuşam. Amma hazırda nəsə düşünməyə vaxtımız yoxdur. Futbolçular, əksinə, bu çətinliyi göz önünə gətirib maksimum hazırlıq keçməlidirlər.
– Sanki futbolçular “çemodan” əhval-ruhiyyəsindədirlər…
– Bəlkə də. Ola bilər. Amma mən belə düşünmürəm. İlk dövrədə bu komanda ilə bərabərə qalmışdıq. Digər oyunların çətin olacağını deməzdim. Hər bir komanda nəticə verməyə çalışır. (Report)
- Ölkə futbolu2024-04-22 08:00
İddialıların “autsayder ovu”
- Ölkə futbolu2024-04-22 08:34
Musa “Yurqorden” dəftərini bağladı?
- Ölkə futbolu2024-04-23 12:31
AFFA-da gündəm: 12 komandalı Premyer Liqa, aşağı liqa klublarına dəstəyin artırılması
- Milli komanda2024-04-23 16:30
Milli komandaya məşqçi seçimi: “Ad açıqlaya bilmərik”