Ölkə futbolu
Rusiya mətbuatı: “Rəşad Sadıqovdan yaxşı basketbolçu da olardı”
Futbol üzrə Almaniya millisinin sabiq üzvü Per Merteza…
Futbol üzrə Almaniya millisinin sabiq üzvü Per Mertezakerin basketbol şərhçiliyi etməsinə münasibət bildirən Rusiyanın "Futbol.hokkey" jurnalı karyerası ərzində bu idman növü ilə məşğul olan futbolçuların siyahısını açıqlayıb.
Futbolinfo.az xəbər verir ki, onların arasında yığmamızın keçmiş üzvü, "Qarabağ"ın kapitanı Rəşad Sadıqovun da adı var. Rusiyalı həmkarlarımız 36 yaşlı müdafiəçinin bir ara futbolsuz qaldığı üçün basketbol oynadığını xatırladıblar:
"İş elə gətirdi ki, Türkiyə çempionatında "Kayserispor"un formasını geyinən Rəşad Sadıqov orada çox qala bilmədi və 9 oyundan sonra öz ölkəsinə qayıtdı. Amma bu oğlan Azərbaycanda problemlə üzləşdi: transfer pəncərəsi bağlanmışdı. Azərbaycan Futbol Federasiyası ona aşağı liqada oynamağı təklif etsə də, Sadıqov bu variantı qəbul etmədi. Rəşad işsiz oturmaq istəmədi və basketbolla məşğul olmağa başladı. "NTD Servis Devon" klubun heyətində ilk oyunundaca 13 xal topladı. Sonradan Rəşad yenidən futbola qayıtdı. Halbuki ondan yaxşı basketbolçu da ola bilərdi".
Qeyd edək ki, siyahıda Qabriel Batistuta, Biksan Lizarazyu, Rio Ferdinand, İlhan Mansız və Eji Dudek kimi futbolçuların da adları yer alıb.
- Ölkə futbolu2024-04-13 08:35
Leandro Azərbaycan dilini öyrənib: “Qarabağ”da yaşadıqlarım mənim üçün gözəl hekayədir”
- Premyer-liqa2024-04-13 20:52
“Neftçi” “Araz-Naxçıvan”ı darmadağınla yola saldı
- Milli komanda2024-04-12 18:00
Millinin Gürcüstanla oyunlar üçün heyəti açıqlandı
- Premyer-liqa2024-04-12 20:56
“Sumqayıt”la “Zirə”dən heç-heçə