Ölkə futbolu
Əsas günahkar – məsuliyyət 6nda əzilən menecer Rəfiyev
Bu, “Sumqayıt”ın məğlubiyyəti deyil. Heç Sumqa…
Bu, “Sumqayıt”ın məğlubiyyəti deyil. Heç Sumqayıt futbolunun layiq olduğu da 0:6 olmamalıdı. “Qarabağ” “Gənclik şəhəri” təmsilçisinə qarşı normal oyununu oynadı, sadəcə, səviyyə fərqi üzə çıxdı, çünki rəqib çox zəifdi.
Bəs, rəqib niyə zəifdi? Təkcə ona görə yox ki, büdcəsi azdı. Az pulu ola-ola normal futbol oynayıb, yaxşı nəticə qazanmaq, ən azı abırlı uduzmaq olar. Amma “Sumqayıt” bunu da bacarmadı. Çünki qış fasiləsi boşa verilib, klubun mövcud büdcəsi də düzgün xərclənməyib.
“Sumqayıt” elə bu büdcə ilə ötən mövsüm avrokuboklara vəsiqə uğrunda mübarizə aparırdı, daha güclü “Qarabağ”ı kubokdan kənarlaşdırmışdı. Amma Riad Rəfiyev kluba prezident gələndən bəri hər şey dəyişib. Çünki bu adam klubu yox, öz qazancını düşünür.
Klubu düşünən adam qış boyunca milli komandalara baş məşqçi axtarışında olmazdı. Təbii ki, onu menecerlik xidməti üçün alacağı 100 min avro maraqlandırırdı, klub nəyinə lazımdı? Nikola Yurçeviçin təyinatından bu qədər qatladı, digər əcnəbilərdən də əlavə məbləğ. “Sumqayıt”a yalnız bir neçə gün ayırdı, həmin vaxtda da İrandan 2 nəfər tapdı. Onlardan birinin oynaya bilməyəcəyi 3-cü dövrə ərəfəsində aydınlaşdı, digərinin nə gündə olduğunu hamı görür.
Riad kimi təcrübəli menecer belə səhv buraxmazdı. Gör, klub onun üçün nə qədər əhəmiyyətsizdi ki, işinə barmaqarası yanaşır, Peyman Keşvarazın sənədləri ilə maraqlanmır, bir ay Türkiyədə toplanış xərclərini çəkir, sonra da lazımsız olduğu aydınlaşır. Peyman Babayi, Əmir Ağayev də onun kimi. Gözü ancaq kimisə milliləşdirməyə, qazanc götürməyə öyrəşib, klubun nəticəsi vecinə deyil.
Və bu məsuliyyətsizliklərin nəticəsidi ki, indi “Sumqayıt” “Qarabağ”ın 6nda qalır, hamıya aşağıdan yuxarı baxır. Gələn vurur, gedən vurur, komanda 2019-da qələbə görməyib. Hələlik azarkeşlər komandaya yiyə durur, hər oyunda tribunadadılar, lakin bu gedişlə ya onlar futboldan üz döndərəcək, ya da Rəfiyevi daşqalaq edəcəklər. Sumqayıt fanatları tələbkardı, nəticə istəyir, buna haqları da var.
Baş məşqçi Ayxan Abbasov “Zirə”də də bu aqibətlə üzləşmiş, qələbəsiz 11 oyunluq seriyaya imza atmışdı. Amma indiki durumda günahkar o deyil. Ayxan sınıq-salxaq heyətlə “Neftçi”ni kubokdan uzaqlaşdıran adamdı, lakin onun da gücü, bacarığı bir yerə qədərdi. Əlində heyət yoxdursa, bu aqibətə məhkumsan. Üstəlik, hakimlər əleyhinə kritik qərarlar verir, vacib oyunlarda uduzdurulursan və klub rəhbərin durub futbolçuları qınayır, AFFA-dakı rəhbərini müdafiə edir. Klubu yox, yiyəsini düşünən prezidentin komandası elə bu vəziyyətdə olmalıdı.
0:6 Rəfiyevin fiaskosu, bacarığına verilən qiymətdi. Bu gedişlə sonuncu pillədən qaçmaq mümkün olmayacaq. Növbəti turda “Keşlə” üzərində qələbə qazanılmasa, vəziyyət kritik həddə çatacaq. Futbolçular, məşqçilər ruhdan düşüb, əzmkarlıq göstərəndə hakimlər hər şeyi alt-üst edir, Rəfiyev çəpik çalır, güc yetməyəndə isə reallıq üzə çıxır.
Riad hələ ki, postundadı. Amma komanda diviziona düşsə, onu Sumqayıtdan birdəfəlik qovacaqlar. Hamı bilir ki, hər şüyin günahkarı odur. Bu futbolçularla, bu büdcəylə daha yaxşı nəticələr əldə olunmasının mümkünlüyü ötən mövsüm sübut edilib. Hətta məşqçi dəyişikliyi də baş aldatmaq olacaq. Rəfiyevin bacarıqsızlığı, səhlənkarlığı üzündən “Sumqayıt” bu gündədi. Bu adam öz karyerasını, qazancını düşünür, sabah başqa təklif ortaya çıxan kimi qaçacaq. Və sumqayıtlılara daha bir uğursuz mövsüm, puç olan ümidlər qalacaq…
FƏRİD
- Premyer-liqa2024-05-04 21:21
“Neftçi” “Qarabağ”a böyük hesabla uduzdu
- Ölkə futbolu2024-05-03 15:05
“Neftçi”nin transfer etmək istədiyi futbolçu Danimarkada həbsdə olub – cinsi təcavüzə görə
- Digər idman növləri2024-05-03 13:25
Tanınmış idmançılarla – öncə master-klas, sonra birgə məşq
- Ölkə futbolu2024-05-03 14:00
“Neftçi”nin riskli seçimi: lazımsız legionerlə 4 illik müqavilə bağlayırlar