Premyer-liqa
“Sumqayıt”da yeni baş məşqçi?
Topaz Premyer Liqasının bu turundan sonra yəqin ki, daha bir istefa…
Topaz Premyer Liqasının bu turundan sonra yəqin ki, daha bir istefa xəbəri eşidəcəyik. Futbolinfo.az xəbər verir ki, bizdə məşqşilərin işini bacarmadığını görüb öz xoşu ilə getmədiyini nəzərə alsaq, bunu “qovulma” adlandırmaq daha məqsədəuyğundu.
Təbii li, “təzminat qalxanı” ilə müdafiə olunan əcnəbilərdən kimsə postunu tərk etməyəcək. Hədəfdə yenə yerli məşqçidi. Belə ki, son turların uğursuz komandası olan AZAL-dan da xal ala bilməyəcəyi halda “Sumqayıt”ın gənc baş məşqçisi Aqil Məmmədova qapı göstəriləcək.
Artıq onu əvəz edəcək baş məşqçi də bəllidi. Yaxınlarda Tərlan Əhmədovla birlikdə “Neftçi”dən uzaqlaşdırılan Kamal Quliyev onu əvəz etməyə əsas namizəddi. Paytaxt klubunda müəyyən təcrübə toplamış sabiq müdafiəçi artıq nşvbəti turdan işə başlamalıdı. Hər halda bu haqda gəzən söz-söhbətlər çoxalmaqdadı. Onun klub prezidenti Kamran Quliyevlə möhkəm dost olması faktı isə iddialarl bir az da tutarlı edir.
Düzdü, Kamal bəyin gözlənilən təyinatı ilə bağlı xəbərləri təkzib edən Kamran bəy apasport.az saytına açıqlamasında bunun mümkünsüz olduğunu deyib: “Bu, yəqin səhər zarafatıdı. Etiraf edirəm, Kamal Quliyevlə çox yaxşı münasibətimiz var. Ara-sıra görüşüb, söhbətləşdiyimiz vaxtlar olur. Yəni, biz onu, o isə bizi yaxşı tanıyır. Ancaq Kamalın “Sumqayıt”da işləyəcəyi ilə bağlı çıxan xəbər doğru deyil. Gələcəkdə hər şey mümkündü. Ancaq hazırda gündəmimizdə belə bir şey yoxdu”.
Elə məşqçi özü də xəbərləri Futbolinfo.az-a danışarkən yalanlayıb: “Bunu sizdən eşidirəm. Kamran Quliyevə də, Aqil Məmmədova da böyük hörmətim var. Allaha and olsun deyirəm ki, bundan söhbət belə gedə bilməz. “Sumqayıt”ın prezidentinə təşəkkür edirəm ki, Aqil Məmmədova bu cür gözəl şərait yaradıb. Belə bir keçiddən söhbət də gedə bilməz”.
Hər iki tərəf təkzib edir, şayiələr isə hər gün çoxalır. Nazim Süleymanov “Neftçi”yə baş məşqçi gələrkən də eyni situasiya var idi. Sonda kimlərinsə təkzibi yox, jurnalistlərin ehtimalı doğru oldu.
RÖVŞƏN ƏHLİMANOĞLU