Layihə
Unudulmayan tarix: “Neftçi”nin didərgin həyatının başlanğıcı
(əvvəli bu linkdə)
İlk dövlət proqramı kimi q?…
İlk dövlət proqramı kimi qəbul etməli olduğumuz qərarda daha sonra yazılıb:
“…3. Futbol prosesindəki köklü dəyişiklikləri, peşəkarlıq əsasında ilk Azərbaycan çempionatının respublikanın bütün futbol klublarının və komandalarının daxil olduğu yeni yaranmış Azərbaycan Futbol Federasiyaları Asssosiasiyasının bayrağı altında keçirilməsini və həmin komandalar üçün birincilikdə iştirak üçün bərabər şərait yaradılması zərirətini nəzərə alaraq, habelə Azərbaycan Respublikasının bütün yaş qruplarından olan milli yığma komandalarının beynəlxalq yarışlarda çıxışlara daha yaxşı hazırlaşması üçün dövlət büdcəsi hesabına tikilmiş “Neftçi” idman bazasının AFFA-ya verilməsi zəruri hesab edilsin.
Əvvəllər Azərbaycan Respublikasını Ümumittifaq yarışlarında təmsil etmiş “Neftçi” İdman Klubu “Azadlıq” prospektində yerləşən idman bazasının on gün müddətində öz balansından AFFA balansına verilməsini həyata keçirsin.
Bu ilin sonunadək “Neftçi” klubuna hmin qurğulardan AFFA ilə icarə müqaviləsi əsasında istifadə etmək imkanının verilməsi məqsədəuyğun sayılsın…”
Qərarın bu hissəsi “Neftçi”nin didərgin salınması demək idi. İndi 82 yaşlı klubun bugünədək bazasının olmamasından danışırıq. Halbuki sonradan AFFA-nın də əlindən alınan idman qurğusu illərlə ölkənin bir nömrəli klubuna xidmət etmişdi.
Fuad Musayevlə mübarizə illərində ovaxtkı idman naziri Əbülfəs Qarayev bu bazanı AFFA-nın da əlindən alıb öz kurasiyasına keçirdi, “Neftçi” isə qoltuqlara sığındı. Hazırda SOCAR-a məxsus məkanda didərgin kimi yaşayan paytaxt təmsilçisinin öz bazasının tikintisi isə illərdi uzanır. Halbuki “Neftçi”yə elə tarixinin yaşadığı, Azadlıq prospektindəki baza daha çox yaraşırdı.
Xatırladaq ki, hazırda “Qarabağ”ın məskunlaşdığı Suraxanıdakı ərazi də “Neftçi”nin olub, sonradan ölkə başçısının tapşırığı ilə ağdamlılara verilib. Maraqlıdı ki, hətta cənab prezidentin göstərişinə baxmayaraq, burada da axsama var – “Qarabağ” hələ də onlara bağışlanan əraziyə tam sahib çıxmayıb, kimlərsə sərəncamın yerinə yetirilməsinə mane olur.
Kəsəsi, 1992-ci ildəki məlum qərarla didərgin salınan “Neftçi” 27 ildi didərgin həyatı yaşayır, həmin baza isə AFFA-nın da əlindən alınıb. Hətta klubun icarə müqaviləsi əsasında orada qalması da təmin edilməyib.
(davamı olacaq)
- Müsahibə2024-04-18 08:00
Rezabala avrokuboka vəsiqə istəyir: “Səhv etməyə ixtiyarımız yoxdur”
- Digər idman növləri2024-04-18 17:00
Şahmat Federasiyası yeni loqonun hazırlanması ilə bağlı müsabiqə elan etdi
- Ölkə futbolu2024-04-18 09:45
Mirzov “Neftçi” ilə yeni müqavilə imzalamayacaq
- Digər idman növləri2024-04-17 21:46
“Neftçi” finalda “Xəzri”yə rəqib oldu