Ölkə futbolu
Kubemba “Sabah”da: bakılılar yerli oyunçu transfer etməyəcək
Qiymətlərini qaldırmaq üçün “Sabah”ın…
Qiymətlərini qaldırmaq üçün “Sabah”ın adından istifadə edən yerli futbolçular artıq bu imkandan məhrumdu. Çünki paytaxt klubu yerli oyunçu transferini yekunlaşdırıb.
“Sumqayıt”dan Cavid Tağıyevi, “Neftçi”dən Məhəmməd Mirzəbəyovu sıralarına qatan debutant bundan sonra heyəti qorumaqla və əsasən əcnəbi gətirməklə məşğul olacaq. Heç onların da sayı bir o qədər çox olmayacaq.
Son çempionat bitdikdən sonra yeni klub axtaran futbolçuların demək olar, hamısının adı “Sabah”la yanaşı çəkilirdi. Bu klubun guya fantastik pullar təklif etməsi, süni qiymət artırması iddia olunurdu. Amma zaman göstərdi ki, belə deyilmiş. Çünki Cavid Hüseynov, Elvin Camalov “Zirə”yə üz tutdu, Səlahət Ağayev “Neftçi”də qaldı. Və “Sabah” onları şirnikləndirəcək təkliflərə getmədi. Sadəcə, bəzi futbolçular yalançı fon yaradıb maaşlarını yüksəldə bildi.
Bakılılar həqiqətən böyük pullar xərcləsəydi, həmin futbolçuları heyətinə qatardı. Ancaq “Sabah” ehtiyac duyduğu mövqelərə futbolçu axtardı və yuxarıda qeyd etdiyimiz kimi, ikisi ilə anlaşdı.
Hazırda klubda əsas problem Təmkin Xəlilzadə ilə bağlıdı. İntizamsızlığına görə ötən mövsümün sonunda əsas heyətdən uzaqlaşdırılan cinah müdafiəçisi ilə bağlı yaxın günlərdə qərar veriləcək.
“Sabah”ın bundan sonrakı hədəfi əcnəbi transferləri ilə bağlıdı. Yüksək səviyyəli mərkəz müdafiəçisi axtaran klub rəhbərliyi cinah hücumçuları ilə də danışıq aparır. Stopper gətirilməsi vacibdi. Həm bu mövqedə rəqabəti artırmaq, həm də ehtiyat variantları çoxaltmaq üçün məşqçilər heyəti belə qərar verib. Hazirda heyətdə 3 belə oyunçu var və kifayət deyil.
Cinah hücumçularından biri ilə razılıq əldə olunub. “Səbail”dən tanıdığımız Kevin Kubemba bundan sonra “Sabah” forması geyəcək. Onun keçidinin böyük ölçüdə həll olunduğunu klubdan da təsdiqləyirlər. Digər cinah üçün isə axtarışlar davam edir. Klub rəhbərliyi elə oyunçulara diqqət edir ki, onların həm də hücumda oynamaq özəlliyi olsun. Kubemba məhz belə futbolçudu.
Belə düşünülməsində məqsəd əlavə hücumçu transfer etməməkdi. Marko Deviç varkən daha bir bahalı futbolçu gətirmək, onlardan birini ehtiyatda oturtmaq ağılsızlıq olar. Ona görə də klub daha çox ehtiyac duyulan mövqelərə oyunçu axtarır. İstisna yalnız mərkəz yarımmüdafiəçisi ola bilər. Uyğun variant düşərsə, “Sabah” orta sahəni daha bir futbolçunun hesabına gücləndirəcək.
İyunun 17-də yeni mövsümün hazırlıqları üçün toplaşacaq komanda ovaxtadək transfer çalışmalarını bitirməyə cəhd edir. Yeni mövsümdə hədəf ilk “dördlüy”ə düşməkdi. Bu səbəbdən təlim-məşq toplanışına komanda tam heyətlə başlamağa cəhd edir.
AĞA
- Ölkə futbolu2024-04-30 15:31
Riad Rəfiyevin çempionatı: hakimlər qışdan bəri “Sumqayıt”a 8 xal hədiyyə edib
- I Liqa2024-04-30 14:45
“Araz Saatlı”nın məşqçisinə 2 oyunluq cəza
- Dünya futbolu2024-04-30 11:32
“Real” Kurtuanı türk qapıçı ilə əvəz etmək istəyir
- I Liqa2024-05-01 11:25
I Liqada 24-cü turun təyinatları müəyyənləşdi