Ölkə futbolu
“Qarabağ” İrlandiyadan heç-heçə ilə qayıdır
Bu gün futbol üzrə Azərbaycan çempionu “Qarab…
Bu gün futbol üzrə Azərbaycan çempionu “Qarabağ” UEFA Çempionlar Liqasında növbəti oyununa çıxıb.
Futbolinfo.az xəbər verir ki, Ağdam təmsilçisi 2-ci təsnifat mərhələsi çərçivəsində İrlandiyada yerli “Dandalk”la ilk matçını keçirib.
Qurban Qurbanovun rəhbərlik etdiyi kollektiv 1-ci təsnifat mərhələsində Albaniya çempionu “Partizani”ni mübarizədən kənarlaşdırıb (Tiranada 0:0, Bakıda 2:0). Avrokuboklarda Azərbaycan təmsilçisi ilə qarşılaşan ilk İrlandiya klubu kimi tarixə düşən “Dandalk” isə əvvəlki mərhələdə Latviya “Riqa”sını penaltilər seriyasında üstələyib – 5:4.
"Oriel Park" stadionunda baş tutan görüşdə hesabı Ağdam klubu açıb. Amma irlandlar məğlubiyyətdən yaxa qurtara biliblər. Beləcə, ilk oyunda qalib müəyyənləşməyib.
Bu komandalar arasında cavab qarşılaşması iyulun 31-də Bakıdakı “Dalğa Arena”da keçiriləcək.
UEFA Çempionlar Liqası
2-ci təsnifat mərhələsinin ilk oyunu
24 iyul
Dandalk – Qarabağ 1:1
Qol: P.Hoban, 78 – M.Emreli, 4.
Hakimlər: Bartoş Frankovski, Marçin Bonyek və Yakub Vinkler, Daniel Stefanski (hamısı Polşa).
Dandalk. “Oriel Park” stadionu.
Dandalk: 1. Qari Rocers, 2. Şon Qennon, 4. Şon Hor, 5. Kris Şilds, 7. Maykl Daffi, 9. Patrik Hoban (k), 10. Ceymi Makqrat, 11. Patrik Makeleni, 14. Deyni Messi, 18. Robert Benson, 44. Endi Boyl.
Ehtiyat oyunçular: 20. Aron Makkari, 8. Con Mauntni, 12. Corci Kelli, 16. Şon Murrey, 21. Daniel Kliri, 27. Daniel Kelli, 33. Din Jarvis.
Baş məşqçi: Vinsent Pert.
Qarabağ: 13. Vaqner da Silva, 2. Qara Qarayev, 3. Aylton Silva, 4. Rahil Məmmədov, 5. Maksim Medvedev, 6. Simeon Slavçev, 9. Xayme Romero, 11. Mahir Emreli, 14. Rəşad Sadıqov (k), 17. Abdullah Zubir, 20. Riçard Almeyda.
Ehtiyat oyunçular: 12. Şahruddin Məhəmmədəliyev, 7. Araz Abdullayev, 8. Miçel, 10. Dani Kintana, 19. Filip Ozobiç, 21. Hacıağa Hacıyev, 30. Abbas Hüseynov.
Baş məşqçi: Qurban Qurbanov.