Ölkə futbolu
“Sabahdan “Bney Yehuda”nı düşünməyə başlayacağıq”
"Neftçi"nin fransalı futbolçusu Stiven-Jozef …
"Neftçi"nin fransalı futbolçusu Stiven-Jozef Monroz Avropa Liqasının II təsnifat mərhələsində "Arsenal"a 3:0 hesabı ilə qalib gəldikləri oyundan sonra jurnalistlərin suallarını cavablandırıb. 29 yaşlı vinger öncə rusları necə keçmələrindən bəhs edib.
– Çox ağır oyun gözləyirdim, belə də alındı. Deyə bilmərəm ki, 3:0 hesablı qələbə gözləyirdim. Ancaq ağır matç keçəcəyini bilirdik. Bu gün oyunçularımız meydanda böyük iş gördü. Mən ehtiyat oyunçular skamyasında əyləşən futbolçularımızı da qeyd etmək istərdim. Güclü ehtiyatımız var. Hər biri əsas oyunçu kimi qiymətləndirilə bilər. Qalibiyyət üçün çox xoşbəxtəm. Ancaq azarkeşlərimiz olmasaydı, qələbə qazana bilməyəcəkdik. Onları da təbrik edirəm.
– Bu gün nisbətən zəif çıxış etdiniz. Bu barədə fikirləriniz necədi?
– Ola bilsin ki, oyunum sizə zəif görünüb. İlk hissədə uzun top ötürmələri ilə oynayırdıq. Ola bilər ki, buna görə kölgədə qalmışam. Mənim əsas məqsədim özümü göstərmək yox, komandaya kömək etmək idi. Bunun üçün çalışırdım.
– Rəqibin futbolçusu Qriqalava sənə barmaq yelləyib, davaya çağırırdı. Oyundan sonra söhbət etdiniz?
– Çöldə heç bir şey olmadı. Futbolda belə şeylər baş verir. Bizim komandamız öndə idi. Rəqib oyunçular emosional idi. Belə şeylər futbolda yaşanır.
– “Bney Yehuda” ilə oyunlar barədə fikirləriniz necədi?
– Meydana qələbə üçün çıxacağıq. Qələbə ruhumuz və mentalitetimiz var. Bu raundu keçdik, sabahdan “Bney Yehuda”nı düşünməyə başlayacağıq.
- Ölkə futbolu2024-04-25 12:30
AFFA-dakı yoxlamaların nəticəsi: “Sumqayıt”ın prezidenti dəyişəcək
- Ölkə futbolu2024-04-25 08:00
Musa Qurbanlı: “Başımı dik tutmağa çalışıram”
- Ölkə futbolu2024-04-25 17:10
Klublar çətin vəziyyətdə: AFFA yardımları dondurub
- Ölkə futbolu2024-04-26 08:00
Juninyo – Avropanın ən yaxşı braziliyalısı