Ölkə futbolu
Stuxlik tapıldı: gələn kimi hakimləri yox, jurnalistləri başına yığdı
Dünən AFFA-nın inzibati binasında Hakimlər Komitəsi tərəfi…
Dünən AFFA-nın inzibati binasında Hakimlər Komitəsi tərəfindən Kütləvi İnformasiya Vasitələri nümayəndələri üçün seminar keçirilib. Komitə sədri Frits Stuxlikin rəhbərliyi və departament rəhbəri Cavid Cəlilovun iştirakı ilə keçirilən seminarda əvvəlcə avstriyalı seminarın proqramı barədə məlumat verib.
Əvvəlcə 20 videoçarxdan ibarət viktorina keçirilib. Sonra Stuxlik Oyun Qaydalarına edilmiş əlavə və dəyişikliklərlə bağlı ətraflı məlumat verib. Oyunlarda mübarizə epizodları, penalti zərbələri, ofsayd qərarları, həmçinin ötən mövsüm Azərbaycan Premyer Liqasında qeydə alınmış maraqlı məqamlardan ibarət videoçarxlar nümayiş olunub, sual-cavab formatında müzakirələr aparılıb. Bundan başqa, videoçarxlardan ibarət viktorinada nümayiş olunmuş sualların düzgün cavabları barədə izahlı məlumat verilib.
Əla təşəbbüsdü, alqışlamaqda fayda var. AFFA-nın mətbuatla əlbir işləməyə cəhd etməsi, körpü yaratması çox yaxşıdı. Bu seminar maarifləndirmək baxımından da yerinə düşdü. Amma…
…Amma iş ondadı ki, Bakıya uzun istirahətdən sonra, 4 gündü gələn Stuxlik deyəsən, hakimlərlə jurnalistləri səhv salıb. Avstriyalı sədr çempionat matçlarını qələm əhlinin idarə edəcəyini düşünür. Yoxsa ki, yay boyunca ciddi toplanış keçməyən hakimləri yox, jurnalistləri başına yığmazdı. Bu müddətdə ölkəmizdə olsa, hakimlərin hazırlığına diqqət etsəydi, bu seminar onun işinə əlavə naxış olardı. Stuxlik isə…
Hakimlər mövsümə hazır deyil. Komitə üzvü Elçin Məmmədovdan dərs alan hakimlər elə onun səviyyəsind oyun idarə edəcək. Kiminsə keçmişini, əməllərini təkrar açıb-ağartmaq istəmirəm, lakin Elçinin futzal referisi olması faktı, bir neçə gün öncə sabiq-həmkarı Babək Quliyevlə sillə-təpiyə çıxma mədəniyyəti hər şeyi deyir. Hakimlər onun dalaşmasından və başqa əməllərindən nümunə götürməklə çempionatahazırlaşırsa, vay bizim halımıza.
Və indi Stuxlik başsız qoyub getdiyi hakimlərin hansı vəziyyətdə olmasını yoxlamaq əvəzinə, seminarı üstün tutub. Sabah çempionat matçlarında hər səhvdən sonra bu məqamdan tez-tez söz salacağıq.
- Ölkə futbolu2024-04-30 09:15
“Qarabağ” Avropada 2-ci yeri bölüşdürür
- Ölkə futbolu2024-04-30 15:31
Riad Rəfiyevin çempionatı: hakimlər qışdan bəri “Sumqayıt”a 8 xal hədiyyə edib
- Premyer-liqa2024-04-30 09:30
“Yalnız birlikdə olaraq uğurlar qazana bilərik” – Ozobiç
- Ölkə futbolu2024-04-30 10:29
“Qarabağ” üçün daha bir potensial rəqib