Dünya futbolu
Problem: “Səbail”də mükafat yox, vəd verilir
“Səbail”də yeni gərginlikdi. Klub rəhbərliyindəki ik…
“Səbail”də yeni gərginlikdi. Klub rəhbərliyindəki ikitirəlik, süni şəkildə yaradılan maliyyə sıxıntısı nəticələrə təsir etməkdədi.
6 tura 3 vacib qələbə qazanan və bunun sayəsində lider “Qarabağ”ın əsas izləyicisi olan “dənizçilər”in son oyunlardakı qeyri-sabit və sönük oyununun əsas səbəbi də budur. Futbolçular mövsüm başlayanı vəd olunan mükafatlarını almayıb. Artıq düşərgədə narazılıq və söz-söhbət başlayıb, baş məşqçi Aftandil Hacıyevin vədləri də yalan çıxınca futbolçular həvəssiz oynayır.Əksər aparıcı oyunçular qış fasiləsini gözləyir ki, özünə yeni komanda axtarsın.
Mükafatla bağlı vədi klubun əsas idarəçisi Tamerlan Abdullayev verib. O, gecikmənin səbəbini maliyyə sıxıntısı ilə əsaslandırır və bütün borcların Avropa Liqasındakı iştiraka görə UEFA-dan gələcək vəsaitdən veriləcəyini deyib. Futbolçularsa quru sözə inanmır. Maliyyə klubu idarə edən AFFA-nın əlindədi və icraçı direktor Ramin Həsənovdan icazəsiz klub düşərgəsinə belə gəlməyən Abdullayevin vədinə əməl edəcəyinə oyunçular inanmır. Çünki indiyədək məhz Həsənovun dedikləri çin çıxıb, onun UEFA-dan gələcək pulu da başqa istiqamətlərə yönəldəcəyi gözləniləndi.
Bu durum xaosa və inamsızlığa səbəb olub. “Səbail”də mükafat yox, yalnız vəd verilməsi futbolçuların motivasiyasına təsir edib. Bu gedişlə komandanın nəticələrinin pisləşməsi, qışda isə ciddi qopmalar qaçılmazdı.