Müsahibə
“Maaşlarımı almamışam” – Eriko
“Səbail”in müdafiəçisi da Eriko da Silva fut…
“Səbail”in müdafiəçisi da Eriko da Silva futbolinfo.az-a müshahibə verib. O, komandadakı maddi sıxıntılardan, qarşıdakı oyunlardan danışıb:
– Hazırda vəziyyətin necədir?
– Özümü daha yaxşı hiss edirəm. Artıq fiziki məşqlərə başlamışam.
– Nə zaman meydanlara qayıdacaqsan?
– Hələ ki, bunu dəqiq bilmirəm. Çünki tam sağalmamışam. Ola bilər ki, növbəti həftə qaçışlara start verdim.
– Son 2 oyunda komandamız qələbə qazana bilmir. “Qəbələ” ilə evdə heç-heçə və “Sabah”a 0:3 hesablı məğlubiyyət…
– Düşünürəm ki, komandamız doğru yoldadır. Mövsümdə cəmi 2 oyunda məğlubiyyətə uğramışıq. Fikrimcə, hər şeyi unudub qarşıdakı matçlara köklənməliyik. Bizim yaxşı komandamız var. Böyük ailə adlandırmaq olar. Birlikdə uğurlu olacağımızı düşünürəm.
– Mövsümün başlanğıcında komandanızda maddi problemlər oldu. Həmin vaxt komandadan getmək haqqında düşündün?
– Düzdür, komandada problemlər oldu. Lakin mən burdan ayrılmaq istəmədim. Çünki “Səbail”də oynamaq xoşuma gəlir. Mən özümü burada sübut etmək istəyirəm. Zədələndiyimə görə çox pis oldum. Hazırda yalnız sağalıb heyətə qayıtmaq istəyirəm.
– Maaşlarını vaxtında ala bilirsən?
– Yox, bütün maaşlarımı almamışam. Lakin bundan çox bərpa olunub komandaya qayıtmaq haqqında düşünürəm. Maaşlara gəlincə, düşünürəm ki, bunu tezliklə həll edəcəklər.
– Əgər vəziyyət belə davam etsə, burada qalacaqsan?
– Hazırda “Səbail”in futbolçusuyam. Fikrimcə, problemləri həll edəcək insanlar bu barədə əllərindən gələni edirlər.
– Son oyundan sonra futbolçularınız qələbəyə görə mükafatlar qalmadıqlarını da açıqladılar..
– Bundan xəbərim var və hər şeyin qaydasına düşəcəyinə ümid edirəm. Biz bu problemləri düşünsək, çempionata fokuslana bilmərik. Daha çox oyunları fikirləşib meydana çıxmalıyıq. Qələbələr olduğumu zaman hər şey yoluna düşəcək. Mən öz komandama inanıram. Biz hər şeyin ən yaxşısını edə bilərik.
– Qarşıda “Neftçi” ilə oyun var…
– “Neftçi” çox yaxşı komandadır. Lakin biz evdə oynayacağıq. Buna görə də qalib gəlmək şansımızın olduğunu düşünürəm.
AĞA