Dünya futbolu
"Qarabağ" udsaydı, rəhbərlik onu istefa ərizəsi yazmağa məcbur edəcəkdi"
“APOEL həmin stadionda avqustda da 2 qol vurmuşdu, bu dəfə d…
“APOEL həmin stadionda avqustda da 2 qol vurmuşdu, bu dəfə də 2 qola sevindi“.
Futbolinfo.az xəbər verir ki, bu fikirlər Kiprin reporter.com.cy saytına məxsusdur. Yerli həmkarlarımız Avropa Liqasının 3-cü turu çərçivəsində keçirilən “Qarabağ“ – APOEL matçı (2:2) haqda qeydlərini bölüşüb:
“Fərq burasındadır ki, həmin qollar komandaya qələbə qazandırmış, “Ayaks”a rəqib etmişdi. Bu dəfə isə yalnız 1 xala kifayət etdi. Nəticəni məqsədəuyğun hesab etməyənlərin və APOEL-in işinin çətin olacağını güman edənlərin sayı çoxdur.
Amma bir faktı unutmayaq. Tomas Doll bu qarşılaşmada iki aparıcı futbolçunun – Tomas de Visenti ilə Musa Əl-Tamarinin xidmətindən məhrum idi. Birinci zədələnmişdi, ikinci intizamsızlığına görə kənarda qalmışdı.
Tomasla Musanın yoxluğunda səfər görüşündən 1 xalla qayıtmaq əla nəticədir. Doll demişkən, alman çalışdırıcı komandası məğlub olacağı təqdirdə tək APOEL-i yox, özünü də nəyin gözlədiyini yaxşı bilirdi.
Rəhbərlik onu istefa ərizəsini yazmağa məcbur edəcəkdi. Çünki “Qarabağ”la növbəti qarşılaşmanın önəmi qalmayacaqdı. İndi isə hər şey ürəyincədir.
Futbolçuları oyuna kökləməyi bacardı, taran tipli hücumçuları ehtiyatda saxladı, 3-5-2 sistemini yerində seçdi. İndiki durumdan o da məmnundur, futbolçular da, rəhbərlik də. Bircə qalır “Qarabağ”ı Kiprdə reallaşacaq qarşılaşmada məğlub etmək”. (Sportinfo)