Müsahibə
Peyman Babayi: “Kubokda bu mövsüm də uğurlu olmağa çalışacağıq”
“Sumqayıt”ın hücumçusu Peyman Babayinin futb…
“Sumqayıt”ın hücumçusu Peyman Babayinin futbolinfo.az saytına müsahibəsi:
– “Qəbələ” ilə oyunda qələbə qazana bilmədiniz…
– Fikrimcə, biz qalib gələ bilərdik. Oyuna da çox yaxşı başladıq. Lakin ani səhvdən qapımızda qol gördük. Belə vəziyyətdə rəqib daha çox müdafiə olunmağa başladı. Biz xeyli qol epizodu yaratdıq. Daha tez fərqlənə bilərdik, lakin penalti ilə bərabərlik qoluna nail olduq. “Qəbələ” bütün oyunboyu müdafiə olundu, qırmızı vərəqədən sonra isə tamamilə arxaya çəkildi. Düşünürəm ki, onlar Sumqayıta 1 xal üçün gəlmişdilər.
– “Qəbələ” 2 qırmızı vərəqə alsa da, uda bilmədiniz…
– “Qəbələ” 2-ci qırmızı vərəqəni 85-ci dəqiqədə aldı. Futbolda belə şeylər olur. Bəzən 10 nəfərlə qalan komanda 11 nəfərə qalib gəlir. Onlar da müdafiə olundu, üstəlik, “Qəbələ”nin bəxti gətirdi.
– Çempionatın ilk yarısında komandanız yaxşı təsir bağışladı?
– Ayxan Abbasov komandanı çox yaxşı kökləmişdi çempionata. Yaxşı oynamaq istəyirdik. “Sumqayıt” çempionatın ən gənc komandasıdı. Limitə düşən 6-7 futbolçu var. Ayxan Abbasov gənc oyunçulara dəstək olur. Gənc və təcrübəli futbolçulardan ibarət komandamız çox yaxşı oyun göstərirdi, mübarizə aparırdı. Daha çox xallar qazana bilərdik. Lakin indi də pis deyil. Bizə bir az da zaman lazımdı. Mövsümün ikinci yarısı daha yaxşı oynaycağıq.
– Çempionatda 6 qol vurmusan, bombardir ola biləcəksən?
– Qarşıda 14-15 oyun var. İndidən bu barədə danışmaq üçüm tezdir. Bu qollar təkcə mənim deyil, bütün komandanın əməyidir.
– “Qarabağ”la matçda vurduğun qolu ananla qeyd etməyin səs-küy yaratdı, foto sosial şəbəkələrdə xeyli paylaşıldı…
– O gün mənim ən gözəl günüm idi. Yaddaşımda qalacaq. Atamla anam ilk dəfə məni belə yaxından izləyirdilər. Qol vurmaqla onları sevindirmək istəyirdim. Onları bir dəqiqə xoşbəxt edə bildimsə, bu, mənim üçün böyük şeydi. Dünyada bundan böyük nəsə yoxdu. Buna görə çox sevinirəm. Daim valideynlərimi sevindirmək istəyirəm.
– Qarşınızda hədəf var?
– “Sumqayıt” bu çempionatda ən az büdcəsi olan komandadı. Gənc oyunçulara dəstək olunur, onların gələcəyi üçün nəsə iş görülür.
– Ötən il kubokun finalına qədər adlamışdız. Yenə eyni uğuru təkrarlaya bilərsiz?
– Çox çətin oyunlar olmuşdu. Kubokun finalına qədər ağır yol keçmişdik. İstəyirdik ki, kuboku da Sumqayıta gətirək. Finalda təcrübəsizliyə görə uduzduq. Gənc futbolçular həyəcanlı idi. İkinci yer də pis deyildi. Bu dəfə də uğurlu olmağa çalışacağıq.
– “Neftçi” sizin üçün bu mərhələdə çox çətin rəqib oldu?
– Onsuz da burada asan rəqib yoxdu. Çətin rəqibdi, təbii ki. Amma qalib gəlməyə, mərhələ keçməyə çalışacağıq.
CAVAD
- Ölkə futbolu2024-04-23 12:31
AFFA-da gündəm: 12 komandalı Premyer Liqa, aşağı liqa klublarına dəstəyin artırılması
- Milli komanda2024-04-23 16:30
Milli komandaya məşqçi seçimi: “Ad açıqlaya bilmərik”
- Milli komanda2024-04-22 13:46
Fişer: “AFFA-dan təklif almamışam”
- Ölkə futbolu2024-04-23 08:00
“Səbail” “Sabah”a uduzsa…