Premyer-liqa
Elnur Allalverdiyev də ədəbsiz jestinə görə cəzalanıb
Topaz Premyer Liqasının 12-ci turunda "Qarabağ" "Qə…
Topaz Premyer Liqasının 12-ci turunda "Qarabağ" "Qəbələ"ni 4:3 hesabı ilə məğlub etdi. Futbolinfo.az xəbər verir ki, oyunda yadda qalan hadisələrdən biri ev sahibi komandanın azarkeşlərinin rəqib futbolçu Elnur Allahverdiyevə öz şüarları ilə təzyiq göstərməsi oldu.
Heç bir komandanın azarkeşləri ilə yola getməyən Elnurun "Qarabağ" azarkeşlərinin ünvanına "Adam kişi olar!" deməsi tərəfdarların xoşuna gəlməyib. Belə ki, "Qarabağ"ın azarkeş qrupları Elnuru ittiham edib.
Məsələ ilə bağlı "İmarət" fan-klubunun fəallarından olan Elnur Quliyevin fikirlərini öyrəndik. Azad azarkeş "Qəbələ" rəhbərliyinə də müraciət etdi: "Qəbələ" ilə oyunda olanları hamı gördü. Bəli, Elnura qarşı şüarlar səsləndirirdik. Elnur oyundan sonra bunun səbəbini bilmədiyini söyləyib. Amma yaxşı bilir ki, biz niyə belə etdik. Hər kəsin valideyni, ailəsi baxa bilər oyuna. Söhbət tək stadionda olan azarkeşlərdən getmir. Televiziya qarşısında da oyunu izləyənlər var. Allahverdiyev bizə orta barmağını göstərdi. O xəstədi, getsin müalicə olunsun. Necə olur ki, heç bir klubun azarkeşləri ilə yola getmir? Ən azından futbolçu olduğuna görə öz ailəsi də bu oyuna baxa bilər. Ayıbdı, futbolçunun azarkeşlərə bu cür jest göstərməsinin əlehinəyik. Sona qədər də belə olacaq. "Qəbələ" rəhbərliyi bununla bağlı tədbir görməlidi. Çünki həmin rəhbərliyin ailəsi də bu oyunu izləyə bilər. Özünə, anasına, bacısına hörmət edən biri belə hərəkət etməz.
Onu da qeyd edim ki, bunu təkcə Elnur etməyib. Qəbələdə olan zaman Dodo da bizə qarşı eyni hərəkəti etmişdi. Burda söhbət tək bizdən – "Qarabağ" azarkeşlərindən getmir. Yenə deyirəm, hər kəsin ailəsi var. Klub rəhbərliyi bu cür futbolçulara qarşı tədbir görməlidi. İntizam Komitəsinin bununla bağlı cəza verib-verməyəcəyini bilmirəm. Peşkəkar Futbol Liqası da (PFL) bu məsələyə ötəri baxmamalıdı. Bizə deyir 1-2 manata görə oyuna gəlirlər. Yalandı! Biz heç vaxt oyuna gəlmək üçün klubdan pul almamışıq. Biz komandamızı sevirik və təmənnasız dəstək veririk. Bizim azarkeşlərimizin hər birində şəhid var. Düzdü, biz müharibə görməmişik. Amma "Qarabağ" azarkeşləri ehtiyat qüvvədi. Müharibə olarsa, Elnurdan fərqli olaraq hamımız gedib döyüşərik. Mənim ailəm də Qarabağ döyüşündə şəhid verib. Elnur xəstədi, buna görə də klubu ona cəza tətbiq etməlidi. Hamımız bilirik ki, bu, birinci hadisə deyil. Heç bir cəza verilmədiyindən bu hallar çoxalıb. Mahir Şükürov azarkeşlərə orta barmağını göstərməsi, Rəşad Sadiqovun Toşaka "suka" deməsi… Demək olar ki, bu hal kütləvi hal alıb. Bunlara son vermək lazımdı. Sonda yenə qeyd etmək istəyirəm ki, özünə, ailəsinə hörmət edən futbolçu bu cür hərəkətlərə yol verməz. İnsanın şərəfi olar"!
- Milli komanda2024-05-03 08:00
Vay(ss) bizim halımıza?
- Müsahibə2024-05-02 15:51
Dodo “Qəbələ”yə kömək etmək istəyir: I Liqada da oynamağa hazırdır
- Ölkə futbolu2024-05-03 15:05
“Neftçi”nin transfer etmək istədiyi futbolçu Danimarkada həbsdə olub – cinsi təcavüzə görə
- Digər idman növləri2024-05-03 13:25
Tanınmış idmançılarla – öncə master-klas, sonra birgə məşq