Ölkə futbolu
Saşa Yunisoğlu: Özümü qələbə qolunun müəllifi kimi görmək çox xoşdu
Türkiyə PTT Birinci Liqasında 11-ci tur çərçivə…
Türkiyə PTT Birinci Liqasında 11-ci tur çərçivəsində keçirilən “Karşıkaya” – “Dənizlispor” oyununda qələbə qolunu Saşa Yunisoğlunun vurduğu haqda məlumat vermişdik. Ancaq sonradan bəlli oldu ki, qolun müəllifi Saşa Yunisoğlu deyil.
Məsələyə tam aydınlıq gətirmək üçün futbolçunun özü ilə əlaqə saxladıq. Saşa ilk olaraq oyun haqda fikrilərini bölüşdü:
“Oyunun çox çətin olacağını bilirdik. Ona görə, bu oyuna ciddi hazırlaşmışdıq. Rəqib komandanın üstünlüyü o idi ki, turnir cədvəlində yuxarı pillədə qərarlaşıblar və doğma azarkeşlərlə dolu stadionda bizi qəbul etdilər. Ancaq biz çox yaxşı mübarizə apardıq və layiqli qələbə qazandıq”.
Minimal hesablı qələbə qazanan “Dənizlispor”un yeganə qolunun müəllifi kimi təqdim olunmasına da münasibət bildirən Yunisoğlu bunun sadəcə texniki səhv olduğunu bildirdi:
“Bəzi saytlar yazmışdılar ki, qolu mən vurmuşam. Açığı, özümü qələbə qolunun müəllifi kimi görmək çox xoşdu (gülür)… Amma qolu mən yox, komanda yoldaşım vurub. Əsas odu ki, biz qələbə qazandıq və komandamıza çox vacib olan üç xalı götürdük”.