“Böyük Dəbilqə” turnirlərinin üçqat qalibi, dünyanın birinci raketkası, italiyalı tennisçi Yannik Sinner fevralın 3-dən 9-dək Rotterdamda keçiriləcək ATP-500 turnirində iştirakdan imtina edib. Bu barədə yarışın mətbuat xidməti məlumat yayıb.
Sinnerin imtina etməsinin səbəbi Avstraliya Açıq Çempionatından sonrakı yorğunluqdur. Yannik Rotterdam turnirinin çempionudur. Keçənilki finalda o, avstraliyalı Aleks de Minauru məğlub edib.
Sinnerin imtinasında sonra turnirin bir nömrəsi dünyanın üçüncü raketkası ispan Karlos Alkaras olacaq.