“Portu” heyətini yeni oyunçu ilə gücləndirib.
Futbolinfo.az xəbər verir ki, Portuqaliya klubu “Milan”dan Santyaqo Ximenesi icarəyə götürüb. Bu barədə klubun rəsmi saytı məlumat yayıb.
Meksikalı hücumçu mövsümün sonuna kimi “əjdahalar”ın formasını geyinəcək.
“Milan” Santyaqo Ximenesi 2025-ci ilin fevralında “Feyenoord”dan 30 milyon avroya transfer edib. 25 yaşlı forvard 2025/26 mövsümündə “qırmızı-qaralar”ın heyətində meydana çıxdığı 18 rəsmi matçda 1 qol və 3 məhsuldar ötürmə ilə yadda qalıb.