Niderland, Belçika, Avstriya və Danimarka 1/8 finalda!

AÇ-2020-də qrup mərhələsinin oyunları keçirilir.

Futbolinfo.az xəbər verir ki, bu gün daha dörd qarşılaşma baş tutub.

Əvvəlcə C qrupunda mübarizəyə yekun vurulub. Niderland millisi Şimali Makedoniya ilə münasibətlərinə aydınlıq gətirib. Ukrayna yığması isə Avstriya ilə qarşılaşıb. Niderlandlılar qrupdan çıxmağı təmin etsə də, son oyunda da darmadağına imza atmaqla 1/8 finala lider kimi yüksəlib. Eyni xala malik Ukrayna və Avstriya yığmalarının görüşü isə daha böyük maraqla gözlənilirdi. Avstriya yığması minimal hesabla qalib gələrək növbəti mərhələyə yüksəlib.

Daha sonra B qrupu çərçivəsində Rusiya – Danimarka və Finlandiya – Belçika görüşləri keçirilib. Belçika yığması son oyunda da qalib gəlməklə 1/8 finala qrup lideri kimi yüksəlib. Digər oyunda Danimarka yığması rusları böyük hesabla məğlub edib. Son üç pillənin sahibləri eyni xala malik olsa da, daha yaxşı top fərqinə malik Danimarka millisi qrup ikincisi kimi növbəti mərhələyə adlayıb.

AÇ-2020
21 iyun

C qrupu

Şimali Makedoniya – Niderland 0:3
Qol: M.Depay, 24. C.Veynaldum, 51; 58.
Baş hakim: İstvan Kovaç (Rumıniya).
Amsterdam. Yohan Kroyf Arena.

Şimali Makedoniya: 1. Stole Dimitrevski, 5. Ariyan Ademi, 6. Visar Musliu, 7. İvan Triçkovski, 8. Ezqyan Alioski, 9. Aleksandr Traykovski, 10. Qoran Pandev (k), 13. Ştefan Ristovski, 14. Darko Velkovski, 17. Enis Bardi, 21. Elyif Elmas.
Niderland: 1. Martin Stekelenburq, 3. Matteys De Liqt, 6. Stefan de Vrey, 8. Corcinyo Veynaldum (k), 10. Memfis Depay, 12. Patrik van Aanholt, 16. Rayan Qravenberx, 17. Deyli Blind, 18. Donyell Malen, 21. Frenki de Yonq, 22. Denzel Dumfris.

Ukrayna – Avstriya 0:1
Qol: K.Baumqartner, 21.
Baş hakim: Cüneyt Çakır (Türkiyə).
Buxarest. Milli Arena.

Ukrayna: 1. Georgi Buşçan, 5. Sergey Sidorçuk, 7. Andrey Yarmolenko (k), 8. Ruslan Malinovski, 9. Roman Yaremçuk, 10. Mikola Şaparenko, 13. İlya Zabarnı, 16. Vitali Mikolenko, 17. Aleksandr Zinçenko, 21. Aleksandr Karavayev, 22. Mikola Matviyenko.
Avstriya: 13. Daniel Baxmann, 3. Aleksandr Draqoviç, 4. Martin Hinteregger, 7. Marko Arnautoviç, 8. David Alaba (k), 9. Marsel Sabitzer, 10. Florian Qrilliç, 19. Kristof Baumqartner, 21. Ştefan Layner, 23. Xavyer Şlager, 24. Konrad Laymer.

Niderland – 9, Avstriya – 6, Ukrayna – 3, Şimali Makedoniya – 0 .

B qrupu

Rusiya – Danimarka 1:4
Qol: A.Dzyuba, 70-pen – M.Damsqaard, 38. Y.Poulsen, 59. A.Kristensen, 79. Y.Mehle, 82.
Baş hakim: Klemen Turpen (Fransa).
Kopenhagen. “Parken” stadionu.

Rusiya: 16. Matvey Safonov, 2. Mario Fernandes, 3. İqor Diveyev, 7. Maqomed Ozdoyev, 11. Roman Zobnin, 13. Fyodr Kudryaşov, 14. Georgi Cikiya, 15. Aleksey Mirançuk, 17. Aleksandr Qolovin, 22. Artyom Dzyuba (k), 23. Daler Kuzyayev.
Danimarka: 1. Kasper Şmeyxel, 3. Yannik Vesterqaard, 4. Simon Kyaer (k), 5. Yoakim Mehle, 6. Andreas Kristensen, 8. Tomas Dileyni, 9. Martin Breytveyt, 14. Mikkel Damsqaard, 18. Daniel Vass, 20. Yussuf Poulsen, 23. Pyer-Emil Heyberq.

Finlandiya – Belçika 0:2
Qol: L.Hradeçki, 74-öz qapısına. R.Lukaku, 81.
Baş hakim: Feliks Brıx (Almaniya).
Sankt-Peterburq. Yeni Zenit stadionu.

Finlandiya: 1. Lukas Hradeçki, 2. Paulus Arajuri, 3. Daniel O’Şonessi, 4. Yoona Toivio, 6. Qlen Kamara, 8. Robin Lod, 10. Teemu Pukki, 14. Tim Sparv (k), 18. Yere Uronen, 20. Yoel Pohyanpalo, 22. Yukka Raitala.
Belçika: 1. Tibo Kurtua, 3. Tomas Vermalen, 4. Dedrik Boyata, 6. Aksel Vitsel, 7. Kevin De Bruyne, 9. Romelu Lukaku, 10. Eden Hazard (k), 18. Ceyson Denayer, 22. Naser Şadli, 24. Leandro Trossard, 25. Jeremi Doku.

Belçika – 9, Danimarka – 3, Finlandiya – 3, Rusiya – 3.