Dünya futbolu
Avroliqada Kamada, Konfrans Liqasında Dessers ən yaxşı seçildi
Futbol üzrə Avropa Liqasında və Konfrans Liqasında yarımfinalın ilk matçlarından sonra həftənin ən yaxşı oyunçuları müəyyənləşib.
Futbolinfo.az xəbər verir ki, Avropa Liqasında həftənin ən yaxşı oyunçusu adına Almaniyanın “Ayntraxt” komandasının yarımmüdafiəçisi Daiti Kamada layiq görülüb. Frankfurt təmsilçisinin Yaponiyadan olan 25 yaşlı futbolçusu İngiltərənin “Vest Hem” komandasına səfərdə 2:1 hesabıyla qalib gəldikləri matçda bir qola imza atıb.
Avroliqada həftənin ən yaxşısı adına Almaniyanın “Leypsiq” klubundan Anxelinyo ilə Marsel Halstenberq, həmçinin “Ayntraxt”ın daha bir futbolçusu Cibril Sou da namizəd idi.
Konfrans Liqasında isə Niderland “Feyenoord”unun forvardı Siril Dessers ən yaxşı seçilib. O, doğma meydanda Marsel “Olimpik”inə (Fransa) 3:2 hesabıyla qalib gəldikləri matçda dubla imza atıb. Belçikadan olan 27 yaşlı futbolçu ilə yanaşı, həftənin ən yaxşısı adına komanda yoldaşı Kon Luis Sinisterra, İtaliya “Roma”sından Lorentso Pelleqrini və İngiltərənin “Lester Siti” klubundan Ademalo Lukman da namizəd idi.
- Müsahibə2024-04-18 08:00
Rezabala avrokuboka vəsiqə istəyir: “Səhv etməyə ixtiyarımız yoxdur”
- Ölkə futbolu2024-04-19 08:52
Yüksək əmsal “Qarabağ”a əlavə üstünlük verir
- Digər idman növləri2024-04-18 17:00
Şahmat Federasiyası yeni loqonun hazırlanması ilə bağlı müsabiqə elan etdi
- Ölkə futbolu2024-04-19 08:00
Juninyoya Niderlanddan da müştəri çıxdı