Dünya futbolu
Azərbaycan millisinin üzvü Bolqarıstan klubuna keçir
21 yaşadək futbolçulardan ibarət Azərbaycan millisinin yarımmüdafiəçisi Emil Mustafayevin yeni komandası müəyyənləşmək üzrədir. Futbolinfo.az xəbər verir ki, 21 yaşlı oyunçu Bolqarıstana yollanmağa yaxındır.
Ukrayna təmsilçisi “Aleksandriya” ilə müqaviləsi başa çatdığı üçün hazırda azad agent statusu daşıyan Mustafayev Sofiya ÇSKA-sı ilə danışıqlar aparır. “Hərbçilər”in baş məşqçisi Saşa İliç universallığını nəzərə alaraq, onu sərəncamında görmək niyyətindədir.
Mustafayevin adı Ukraynada bir neçə klubla, həmçinin “Neftçi”, “Sabah” və “Zirə” ilə də birgə hallanır. Lakin onun Sofiya klubuna keçmək ehtimalı daha yüksək qiymətləndirilir.
Qeyd edək ki, “Aleksandriya”nın yetirməsi olan Emil Mustafayev 2021-ci ildən Azərbaycanın U-21 yığmasına çağırılır. Bir neçə gün öncə bu millimizin daha bir üzvü Cəlal Hüseynov da Bolqarıstana yollanıb. “Zirə”dən ayrılan müdafiəçi “Arda” ilə müqavilə bağlayıb.
- Milli komanda2024-05-06 15:32
Millimizin yoldaşlıq oyununda daha bir rəqibi müəyyənləşdi
- Milli komanda2024-05-08 12:17
Millimizin gələcək baş məşqçisi Bakıya gəlir
- Digər idman növləri2024-05-06 17:45
AVF rəhbərliyi Antalyada milli üzvləri ilə görüşdü
- Ölkə futbolu2024-05-06 13:45
Qapıçının ilk qol ötürməsi