“Bu vəziyyətdən birlikdə çıxacağıq”

“Sabah”ın yarımmüdafiəçisi Aleksey İsayevin futbolinfo.az-a müsahibəsi

• Mövsümün əvvəlində iddialı olacağı hesab edilən “Sabah”ın belə çətin duruma düşməsinin səbəbi nədi?
• Buna səbəbin tam olaraq nə olduğunu deyə bilmərəm, lakin cavabı birlikdə tapmağa çalışırıq.
• “Keşlə” ilə evdəki 1:1 hesablı nəticə sizi qane etdi? 1 xal qazandınız, yoxsa 2 xal itirdiniz?
• Birinci hissədə əldə etdiyimiz qol fürsətlərini dəyərləndirsəydik, nəticə tam başqa cür ola bilərdi. Düşünürəm ki, 2 xal itirdik.
• Turnir cədvəlinin sonuncu pilləsində olmaq komandanın motivasiyasını azaldır?
• Bizim yaxşı komandamız, komanda daxilində bir-birimizlə xoş münasibətimiz var. Hansı nəticəni əldə etməyimizdən asılı olmayaraq, həmişə bir-birimizə dəstək oluruq.
• Səncə, “Sabah” toparlana biləcək?
• Bunun üçün bütün komanda – hamımız əlimizdən gələni edirik. Bu vəziyyətdən birlikdə çıxacağıq.
• Avrokuboklara vəsiqəni əldən çıxmış saya bilərik?
• Şans həmişə var. Əsas odu özümüzə və komandaya inanaq.
• Növbəti rəqibiniz lider “Neftçi”dir. Onların formada olduğunu nəzərə alsaq, 1 xal sizin üçün böyük qazanc sayılacaq.
• Həmişə olduğu kimi yalnız qələbə üçün oynayacağıq. “Neftçi” yaxşı komandadı, lakin biz meydana yalnız qələbə üçün çıxacağıq.

FƏRİD