DÇ-2022: İngiltərə xal itirdi, Almaniya və İtaliya darmadağına sevindi

Bu gün DÇ-2022-nin Avropa zonası üzrə seçmə mərhələsində 6-cı tura yekun vurulub. Futbolinfo.az xəbər verir ki, son oyun günündə 5 qrup üzrə 12 qarşılaşma baş tutub.

B qrupunda İspaniya Kosovonun, İsveç Yunanıstanın qonağı olub. İspanlar inamlı qələbəyə sevinsələr də, isveçlilər məğlubiyyətlə üzləşib.

C qrupunda İtaliya evdə Litvanı darmadağın edib. İsveçrə isə səfərdə Şimali İrlandiya ilə münasibətlərinə aydınlıq gətirib. Bu görüşdə qapılara qol vurulmayıb.

E qrupunda Belçika Belarusu minimal hesabla üstələyib. Uels – Estoniya matçında isə qol səsi eşidilməyib.

Gecənin maraqlı görüşlərindən biri I qrupunda baş tutub. Polşa millisi doğma meydanda İngiltərə yığmasını sınağa çəkib. Bu oyunda tərəflər meydanı hərəyə 1 qol və 1 xalla tərk ediblər. Bu qrupun digər oyunlarında Macarıstan Andorranı, Albaniya isə San Marinonu məğlub edib.

J qrupunda Rumıniya səfərdə Şimali Makedoniya ilə heç-heçə edib. Almaniya isə İslandiya ilə səfər matçında darmadağına sevinib.

DÇ-2022-nin seçmə mərhələsi
6-cı tur
8 sentyabr

B qrupu

Kosovo – İspaniya 0:2
Qol: Fornals, 32. F.Torres, 90.

Yunanıstan – İsveç 2:1
Qol: Bakasetas, 62. Pavlidis, 78 – Kayson, 80.

İspaniya – 13, İsveç – 9, Yunanıstan – 6, Kosovo – 4, Gürcüstan – 1

C qrupu

Şimali İrlandiya – İsveçrə 0:0

İtaliya – Litva 5:0
Qol: Kin, 11; 29. Utkus, 14-öz qapısına. Raspadori, 24. Di Lorenso, 54.

İtaliya 14, İsveçrə – 8, Bolqarıstan – 5, Şimali İrlandiya – 5, Litva – 0

E qrupu

Belarus – Belçika 0:1
Qol: Praet, 33.

Uels – Estoniya 0:0

Belçika – 16, Çexiya – 7, Uels – 7, Belarus – 3, Estoniya – 1

I qrupu

Macarıstan – Andorra 2:1
Qol: Salai, 9. Botka, 18 – Lovera, 82.

Albaniya – San Marino 5:0
Qol: Manay, 32. Laçi, 58. Broya, 61. Hüsay, 68. Uzuni, 80.

Polşa – İngiltərə 1:1
Qol: Şimanski, 90+2 – Keyn, 72.

İngiltərə – 18, Albaniya – 12, Polşa – 11, Macarıstan – 10, Andorra – 3, San Marino – 0

J qrupu

Ermənistan – Lixtenşteyn 1:1
Qol: Mxitaryan, 45+5-pen – Frik, 80.

Şimali Makedoniya – Rumıniya 0:0

İslandiya – Almaniya 0:4
Qol: Qnabri, 4. Rudiger, 24. Sane, 56. Verner, 89.

Almaniya, 15, Ermənistan – 11, Rumıniya – 10, Şimali Makedoniya – 9, İslandiya – 4, Lixtenşteyn – 1