De Byazi təsdiqlədi: “Azərbaycan millisinə namizədlərdən biriyəm”

Azərbaycan yığmasının baş məşqçi postuna namizədlər bəllidir. 32 nəfərlik siyahı tam açıqlanmasa da, mətbuat onlardan bəzilərinin adını aşkar edib.

Futbolinfo.az xəbər verir ki, əcnəbilərin çoxluq təşkil etdiyi siyahıda italyanlar ön plandadı. Alman sevdası bitən AFFA, xorvatlarla da xoş gün görmədiyindən indi gözünü başqa istiqamətə dikib.

Nikola Yurçeviçə xələf olmağa ən real namizəd Canni De Byazidi. Dəfələrlə adı millimizlə yanaşı çəkilən italiyalı Albaniya millisindən ayrılanı AFFA-nın hədəfindədi.

Saytımıza açıqlama verən təcrübəli çalışdırıcı məlumatı təsdiqləyib. O, millimizin baş məşqçi postuna əsas namizədlərdən biri olduğuna dair məlumatı bildiyini deyib: “Mən indi deyə bilmərəm ki, nə olub, son vəziyyət nə yerdədi? Amma sizə bir məlumat verim ki, namizədlərdən biriyəm və bundan xəbərim var. Görək necə olacaq?”