Dünya futbolu
De Xeanın Mançesterdəki son günləri
“Mançester Yunayted” David de Xea ilə bağlı yekun qərar verməyib. Hər iki tərəf danışıqların davam etməsində maraqlıdır, lakin ortaq məxrəcə gələ bilmirlər.
Futbolinfo.az xəbər verir ki, ispan qapıçı həm maaşının, həm də təklif olunan müqavilənin müddətinin azlığından narazıdır. Azı 3 illik yeni müqavilə arzulayan de Xea maaşının azaldılmasını da istəmir. İngilislər isə futbolçunun yaşını nəzərə alaraq, risk etmir.
2011-ci ildən Mançesterdə oynayan 32 yaşlı qapıçı iyulun ilk günündən azad agent olacaq. Klub indidən onu sərbəst qalacaq futbolçular siyahısına salıb. Oyunçunun güzəştə getməməsi üzündən yeni namizədlərlə danışıqlara daha çox vaxt ayrılır. “Portu”dan Dioqo Kosta, “Brentford”dan David Raya və “İnter”dən Andre Onana diqqət mərkəzindədir.
Hətta David qalsa da, əsas heyətdə oynaması çətin görünür. Baş məşqçi Erik ten Haq dəfərlə qapıçının qalmasını istədiyini deyib, lakin ona əsas heyət üzvü kimi baxdığını dilinə gətirməyib.
- Milli komanda2024-05-06 15:32
Millimizin yoldaşlıq oyununda daha bir rəqibi müəyyənləşdi
- Digər idman növləri2024-05-06 17:45
AVF rəhbərliyi Antalyada milli üzvləri ilə görüşdü
- Ölkə futbolu2024-05-06 13:45
Qapıçının ilk qol ötürməsi
- Milli komanda2024-05-07 14:20
Kunts – AFFA-nın, yoxsa Nəsirovun namizədi?