Digər idman növləri
Debütant Vestbrukun nəticəsini təkrarladı
MBA-nın növbəti oyun günündə 6 görüş keçirilib. “Oklahoma-Siti Tanders”in debütantı Çet Holmqren komandası üçün rekord göstəricini təkrarlayıb. Rassel Vestbrukdan sonra o, ilk dəfə debütant kimi ən azı 3 oyunda 30-dan çox xal toplayıb. Komandası isə səfərdə “Vaşinqton Vizards”ı məğlubiyyətə uğradıb – 130:126.
Alperen Şengünün 22 xal topladığı oyunda “Hyuston Rokets” “Mayami Hits”ə 113:120 hesabı ilə məğlub olub.
Gecənin ən yüksək fərdi göstəricisinə Ceylan Braun imza atıb. “Boston Seltiks”lə yayda yeni böyük müqavilə imzalayan müdafiəçi 40 xal toplayıb. Buna baxmayaraq, komandası “İndiana Peysers”lə oyunda məğlub olub – 131:133.
Overtaymda başa çatan qarşılaşmada “Çikaqo Buls” “Şarlott Hornets”i 119:112 hesabı ilə məğlubiyyətə uğradıb. “Miluoki Baks” gözlənilmədən evdə “Yuta Caza” uduzub. Bununla da, Antetokumbonun komandası turnir cədvəlində “Boston Seltiks”ə yaxınlaşmaq şansını əldən verib.