Depay Romaya köçür – qışda icarə, yayda transfer

“Roma” Memfis Depayı heyətinə qatmaq istəyir. Holland futbolçu elə bu qış A Seriyasına köçməyə hazırlaşır.

Futbolinfo.az xəbər verir ki, “Barselona”da əsas heyətə düşə bilməyən futbolçu durumundan məmnun deyil. İspaniya klubu da yüksək ödənişli hücumçunun ehtiyatda qalmasının onlara faydalı olmadığının fərqindədir. Amma 28 yaşlı oyunçu üçün 20 milyon avro transfer haqqı ödəmək istəyən yoxdur.

Hələlik ən real müştəri “Roma”dır. Amma italiyalılar yayda “Barselona” ilə müqaviləsi bitəcək hücumçu üçün yüksək məbləğ ödəmək niyyətində deyil. Onlar futbolçunu qışda icarəyə götürərək katalon klubunda aldığı maaşı ödəmək, yayda isə azad agent kimi sıralarına qatmaq niyyətindədir. “Barselona” hazırda maaş xərcləri baxımından maliyyə böhranı yaşadığından bu təklifə razılıq verməyə məcburdur.

Əslində, Depayın transfer dəyəri daha yüksəkdir. Niderland yığması ilə mundialdakı çıxışından sonra onun qiyməti 50 milyon avroya qalxıb. İspaniya təmsilçisinin isə “Lion”dan azad agent kimi heyətinə qatdığı futbolçunu eyni qaydada buraxmaqdan başqa çarəsi qalmayıb.