Ölkə futbolu
Dörd komandaya texniki məğlubiyyət verildi
AFFA İntizam Komitəsinin iclası keçirilib.
Futbolinfo.az xəbər verir ki, iclasda müxtəlif turnirlərlə bağlı aşağıdakı qərarlar qəbul edilib:
Region Liqasında keçirilən “Mil” (Beyləqan) FK – “Ümid” FK (Saatlı) oyununun 28-ci dəqiqəsində “Mil” FK-nın rəhbəri Röyal Babayev hakimi təhqir etdiyinə görə birbaşa qırmızı vərəqə aldığı üçün 5 oyun cəzalanıb.
Region Liqasında keçirilən “Göyəzən” PFK – “Bərdə” FK oyunununda “Bərdə” FK komandasının heyətində futbolçu Rəcəb Zaidov qarşılaşmanın 90-cı dəqiqəsində hakimi təhqir etdiyinə görə birbaşa qırmızı vərəqə aldığı üçün 4 oyun cəzalanıb.
Region Liqasında keçirilən “Lokomotiv Baku” – İCBFA oyunununda “Lokomotiv Baku” komandasının heyətində futbolçu Əli Nəzərovun əvəzinə protokolda adı qeyd edilməyən futbolçu iştirak etdiyinə görə “Lokomotiv Baku” komandasına 0:3 hesablı texniki məğlubiyyət verilib.
U-14 Liqasında keçirilməli olan “Qafqaz Arena” – “Viktoriya Zaqatala” oyunu “Viktoriya Zaqatala” komandası təyin edilən vaxtda meydanda olmadığına görə baş tutmadığı üçün “Viktoriya Zaqatala” komandasına 0:3 hesablı texniki məğlubiyyət verilib. “Viktoriya Zaqatala” komandası artıq 3-cü dəfədir ki oyuna çıxmadığına görə “Viktoriya Zaqatala” komandası yarışdan kənarlaşdırılıb.
U-11 Liqasında keçirilməli olan “Şəmkir” FK – UGİŞM (Tovuz) oyunu UGİŞM komandası təyin edilən vaxtda meydanda olmadığına görə baş tutmadığı üçün UGİŞM komandasına 0:3 hesablı texniki məğlubiyyət verilib.
U-17 Qızlar Liqasının “Sumqayıt” FK – “Sabah” FK oyunu “Sumqayıt” komandasının heyətində yetərsay olmadığına görə baş tutmadığı üçün “Sumqayıt” komandasına 0:3 hesablı texniki məğlubiyyət verilib.