I Liqa
FIFA hakimlərinə diqqətsizlik – onlara fərq qoyulmur
Premyer Liqanın 2020-ci ilə təsadüf edən 4 turu hakimlər üçün eyni keçməyib. AFFA Hakimlər Komitəsi referilərə fərqli yanaşıb. Belə ki, təyinat sayında ciddi fərqlər var.
Əslində, çempionatın ağırlığı FIFA referilərinin üzərinə düşməlidi. Hakimlər Komitəsinin sədri Frits Stuxlik isə belə düşünmür. O, baş tutan 16 oyunda 3 beynəlxalq dərəcəli hakimə üst-üstə 5 oyun həvalə edib. Halbuki onların hər həftə oyun idarə etməsi, ən azı 4 turun 3-də fit çalması qeydə alınmalıydı.
Düzdü, çempionatda oyun sayı azdı, əvəzində FIFA referiləri – Əliyar Ağayev, Rauf Cabarov, Rəhim Həsənov – divizion matçlarına göndərilir. Lakin razılaşaq ki, aşağı liqa matçları hakimlərin formada qalmasına kömək edə bilməz və beynəlxalq oyunlarda bunun fəsadını görürlər. Turda 4 oyun keçirildiyini nəzərə alsaq, indiyədək 10 referinin xidmətindən baş hakim kimi yararlanmaq da doğru sayılmamalıdı. Premyer Liqada təyinat almış bəziləri uzaqbaşı divizionda idarəçiliyə yarayır.
2020-ci ildə baş hakim kimi təyinat alanlar: İnqilab Məmmədov, Kamal Umudlu, Elçin Məsiyev, Rauf Cabarov, Əliyar Ağayev, Rəvan Həmzəzadə – 2, Rəhim Həsənov, Vüqar Həsənli, Səbuhi Bayramov, Orxan Məmmədov – 1.
Stuxlik oyun sayının az olduğunu iddia edə bilər. Amma bu, referilərin az təyinat almasına bəraət deyil. Bu hakimlərdən ən azı 4-cü hakim kimi yararlanmaq olar. Amma 2 görüşü idarə edənlərdən heç biri bu şərəfə layiq bilinməyib, 1 matçda görünənlər isə daha 1 qarşılaşmada 4-cü olub. Əvəzində Fərid Hacıyevlə Namiq Bəkirov 3, Rəşad Əhmədov, Nicat İsmayıllı və Rauf Allahverdiyev 2 oyunda 4-cü hakim olub.
Əslində, bu funksiya baş hakim kimi təyinat alanlara etibar olunmalıdı ki, onlar ehtiyac olduqda əsas referini əvəz edə bilsin, buna hazır olsunlar. Xatırlayıırsızsa, ötən mövsüm “Keşlə” – “Sumqayıt” oyununda zədələnən Rauf Cabarovu təcrübəsiz Rauf Allahverdiyev əvəzləmiş, o da qonaqların haqqını yemiş, onların qapısına yersiz penalti təyin etmişdi.
Hakim köməkçilərinin təyinat aldığı oyuların sayı daha çoxdu. “Briqada” anlayışı demək olar, aradan qalxıb və laysmanları müxtəlif turlarda fərqli hakimlərin yardımçısı kimi görə bilirik. Onların cəmi 14 nəfər olması da sözünü deyir. 10 baş hakim və 14 köməkçi – sanki rəqəmlərdə uyğunsuzluq var.
Ötən 4 turda Pərvin Talıbov, Mübariz Haşımov, Elşad Abdullayev və Namiq Hüseynov 3, Müslüm Əliyev, Eyyub İbrahimov, Rahil Ramazanov, Cavanşir Yusifov, Qəzənfər Məmmədov, Nahid Əliyev, Akif Əmirəli, Zeynal Zeynalov, Cəmil Quliyev və Vüqar Bayramov 2 matçda əlində bayraq qaçmalı olub.
Hakim-inspektorlarla bağlı vəziyyət də fərqlidi. İmtahandan keçə bilməyən 3 nəfərin yoxluğunda hakimlərin işinə qiymət vermək üçün cəmi 11 nəfər var. Onlardan yalnız Ramil Diniyev 3 matçda stadionda görünüb. Ömər Paşayev, İmanxan Sultani və Ceyhun Haşımov 2, Fariz Yusifov, Əmrah İbrahimov, Feyzulla Feyzullayev, Anar Salmanov, Babək Quliyev, Şahin Cəfərov, Rövşən Əhmədov 1 görüşdə hakim-inspektor olub.
5 sabiq FIFA referisinin üst-üstə 7 matça təyinat alması doğru deyil, bu şəxslər fərqləndirilməlidi, beynəlxalq dərəcəli hakimlərə məhz onlar qiymət verməlidi. Amma maraqlıdı ki, bizim FIFA referilərinə ötən 4 tur ərzində bir qayda olaraq, Biləcəridən o tərəfə keçə bilməyənlər qiymət yazıb.
AFFA nümayəndələrin təyinatında növbəlilik prinsipinə əməl edilir. Matçların əhəmiyyəti, çətinlik dərəcəsi demək olar, nəzərə alınmır. Buna görədi ki, 16 turda 14 nəfər iş başında olub. Aslan Şahgəldiyev və Seymur Səlimli 2, Əsgər Əmirəliyev, Ramiz Mustafayev, Məmmədəli Məmmədov, Maşallah Əhmədov, Erkin Hüseynov, Eldəniz Musayev, Şaiq Həmidov, Asif Əliyev, İlham Əliyev, Elgiz Abbasov, Rüfət Əmirov və Mübariz Hüseynov 1 matçda iş başında olub.
Bütün təyinatlar:
15-ci tur
Qəbələ – Keşlə 1:2
Baş hakim: Səbuhi Bayramov
Baş hakimin köməkçiləri: Müslüm Əliyev, Eyyub İbrahimov
Dördüncü hakim: Rauf Allahverdiyev
Hakim-inspektor: Ömər Paşayev
AFFA nümayəndəsi: Seymur Səlimli
Səbail – Qarabağ 0:1
Baş hakim: İnqilab Məmmədov
Baş hakimin köməkçiləri: Pərvin Talıbov, Rahil Ramazanov
Dördüncü hakim: Fərid Hacıyev
Hakim-inspektor: İmanxan Sultani
AFFA nümayəndəsi: Əsgər Əmirəliyev
Neftçi – Sumqayıt 1:1
Baş hakim: Kamal Umudlu
Baş hakimin köməkçiləri: Mübariz Haşımov, Cavanşir Yusifov
Dördüncü hakim: Namiq Bəkirov
Hakim-inspektor: Fariz Yusifov
AFFA nümayəndəsi: Ramiz Mustafayev
Zirə – Sabah 2:0
Baş hakim: Elçin Məsiyev
Baş hakimin köməkçiləri: Elşad Abdullayev, Qəzənfər Məmmədov
Dördüncü hakim: Rəşad Əhmədov
Hakim-inspektor: Ramil Diniyev
AFFA nümayəndəsi: Aslan Şahgəldiyev
16-cı tur
Sumqayıt – Zirə 2:1
Baş hakim: Orxan Məmmədov
Baş hakimin köməkçiləri: Pərvin Talıbov, Nahid Əliyev
Dördüncü hakim: Namiq Bəkirov
Hakim-inspektor: Əmrah İbrahimov
AFFA nümayəndəsi: Məmmədəli Məmmədov
Qarabağ – Neftçi 0:0
Baş hakim: Rauf Cabarov
Baş hakimin köməkçiləri: Namiq Hüseynov, Elşad Abdullayev
Dördüncü hakim: Səbuhi Bayramov
Hakim-inspektor: İmanxan Sultani
AFFA nümayəndəsi: Maşallah Əhmədov
Keşlə – Səbail 0:1
Baş hakim: Əliyar Ağayev
Baş hakimin köməkçiləri: Akif Əmirəli, Zeynal Zeynalov
Dördüncü hakim: Nicat İsmayıllı
Hakim-inspektor: Ramil Diniyev
AFFA nümayəndəsi: Erkin Hüseynov
Sabah – Qəbələ 3:2
Baş hakim: Rəvan Həmzəzadə
Baş hakimin köməkçiləri: Cəmil Quliyev, Vüqar Bayramov
Dördüncü hakim: Vüqar Həsənli
Hakim-inspektor: Ceyhun Haşımov
AFFA nümayəndəsi: Eldəniz Musayev
17-ci tur
Səbail – Qəbələ 3:1
Baş hakim: Kamal Umudlu
Baş hakimin köməkçiləri: Mübariz Haşımov, Eyyub İbrahimov
Dördüncü hakim: Fərid Hacıyev
Hakim-inspektor: Ömər Paşayev
AFFA nümayəndəsi: Şaiq Həmidov
Neftçi – Keşlə 3:1
Baş hakim: Elçin Məsiyev
Baş hakimin köməkçiləri: Pərvin Talıbov, Qəzənfər Məmmədov
Dördüncü hakim: Rauf Allahverdiyev
Hakim-inspektor: Ceyhun Haşımov
AFFA nümayəndəsi: Asif Əliyev
Zirə – Qarabağ 0:6
Baş hakim: Rəhim Həsənov
Baş hakimin köməkçiləri: Namiq Hüseynov, Cəmil Quliyev
Dördüncü hakim: Nicat İsmayıllı
Hakim-inspektor: Ramil Diniyev
AFFA nümayəndəsi: İlham Əliyev
Sumqayıt – Sabah 1:2
Baş hakim: İnqilab Məmmədov
Baş hakimin köməkçiləri: Rahil Ramazanov, Nahid Əliyev
Dördüncü hakim: Fərid Hacıyev
Hakim-inspektor: Feyzulla Feyzullayev
AFFA nümayəndəsi: Elgiz Abbasov
18-ci tur
Sabah – Səbail 0:0
Baş hakim: Vüqar Həsənli
Baş hakimin köməkçiləri: Mübariz Haşımov, Elşad Abdullayev
Dördüncü hakim: Rəhim Həsənov
Hakim-inspektor: Anar Salmanov
AFFA nümayəndəsi: Rüfət Əmirov
Qarabağ – Sumqayıt 1:0
Baş hakim: Rəvan Həmzəzadə
Baş hakimin köməkçiləri: Vüqar Bayramov, Cavanşir Yusifov
Dördüncü hakim: Orxan Məmmədov
Hakim-inspektor: Babək Quliyev
AFFA nümayəndəsi: Aslan Şahgəldiyev
Keşlə – Zirə 4:0
Baş hakim: Rauf Cabarov
Baş hakimin köməkçiləri: Namiq Hüseynov, Müslüm Əliyev
Dördüncü hakim: Rəşad Əhmədov
Hakim-inspektor: Şahin Cəfərov
AFFA nümayəndəsi: Seymur Səlimli
Qəbələ – Neftçi 0:2
Baş hakim: Əliyar Ağayev
Baş hakimin köməkçiləri: Zeynal Zeynalov, Akif Əmirəli
Dördüncü hakim: Namiq Bəkirov
Hakim-inspektor: Rövşən Əhmədov
AFFA nümayəndəsi: Mübariz Hüseynov