Ölkə futbolu
İki klubumuz bu gün Türkiyədə ilk sınağına çıxır
Türkiyədə təlim-məşq toplanışında olan Azərbaycanın 2 klubu bu gün ilk yoxlama görüşünü keçirəcək.
Futbolinfo.az xəbər verir ki, Premyer Liqa təmsilçiləri “Səbail” və “Sumqayıt” Rumıniya komandaları ilə qüvvələrini sınayacaqlar.
İlk olaraq “Sumqayıt” meydana çıxacaq. Samir Abasovun kollektivi Superliqada mübarizə aparan “Hermanştadt”la münasibətlərinə aydınlıq gətirəcək. “Fanatik Belek Sport Center”də baş tutacaq oyuna Bakı vaxtı ilə saat 17:00-da start veriləcək.
Şahin Diniyevin rəhbərlik etdiyi “Səbail” isə Rumıniya yüksək liqasının digər iştirakçısı “Universitatya Kluj”la üz-üzə gələcək. “İS Santai Hotel”inin meydanında keçiriləcək qarşılaşma Bakı vaxtı ilə saat 18:00-da başlayacaq.
“Səbail” ikinci yoxlama matçını yanvarın 15-də Rusiya Premyer Liqa klubu “Fakel”lə, “Sumqayıt” isə bundan bir gün sonra Özbəkistan təmsilçisi “Soqdiana” ilə keçirəcək.
- Müsahibə2024-04-18 08:00
Rezabala avrokuboka vəsiqə istəyir: “Səhv etməyə ixtiyarımız yoxdur”
- Ölkə futbolu2024-04-19 08:52
Yüksək əmsal “Qarabağ”a əlavə üstünlük verir
- Ölkə futbolu2024-04-19 21:00
“Sumqayıt” avrokubok iddiasını davam etdirir
- Digər idman növləri2024-04-18 17:00
Şahmat Federasiyası yeni loqonun hazırlanması ilə bağlı müsabiqə elan etdi