Dünya futbolu
İtaliya millisinin sabiq forvardı Braziliya klubunda
Futbol üzrə İtaliya yığmasının sabiq hücumçusu Eder özünə yeni iş yeri tapıb.
Futbolinfo.az xəbər verir ki, 34 yaşlı futbolçu bundan sonra karyerasını Braziliyada davam etdirəcək.
O, bu ölkənin “San-Paulo” klubu ilə anlaşıb. Tərəflər arasındakı müqavilə 2022-ci ilin 31 dekabrına qədər nəzərdə tutulub.
Qeyd edək ki, əslən braziliyalı olan Eder peşəkar futbolçu karyerasına ölkəsinin “Krisiuma” klubunda başlayıb. 2006-cı ildən isə onun İtaliya karyerası başlayıb. Bu ölkədə “Empoli”, “Frozinone”, “Breşiya”, “Çezena”, “Sampdoriya” kimi klublarda çıxış edən hücumçu 2016-cı ildən Milan “İnter”ində oynamağa başlayıb. 2018-ci ildən isə o, Çin təmsilçisi “Tsyansu Sunin”in uğurları üçün çalışırdı.
Eder “Sampdoriya”da oynadığı dönəmdə, 2015-ci ildə İtaliya vətəndaşlığı da alıb və bu ölkənin yığmasında oynamaq şansı qazanıb. Forvard İtaliya millisində 26 oyuna çıxıb, 6 qol vurub.