Ölkə futbolu
“Kəpəz”in baş məşqçi postuna sürpriz namizəd
“Kəpəz”in baş məşqçi postuna əyləşəcək şəxsin adını “Qarabağ”la oyundan sonra biləcəyik. Ağdam klubu ilə bugünkü matça gəncəliləri köməkçi-məşqçi Xaliq Mərdanov çıxaracaq, daha sonra isə yeni çalışdırıcı işə başlayacaq.
Şahin Diniyevin qəfil imtinasından sonra klub rəhbərliyi çətin duruma düşüb. Belə ki, adı sıyahıdan çıxarılan namizədlərlə yenidən danışıqlar aparmaq lazım gələcək.
Hazırda Tərlan Əhmədov, Aftandil Hacıyev və Yunis Hüseynovdan birinin Yaşar Vahabzadəyə xələf olması gözlənilir. Amma idman direktoru Mehman Allahverdiyevin təkidi ilə Novruz Əzimov da siyahıya düşüb.
Daha bir sürpriz namizəd isə Mirbağır İsayevdi. Bu məşqçi ilə danışıq aparıldığına əmin deyilik, lakin o, gəncəli azarkeşlər arasında müsbət imic sahibidi. Elə klub rəhbərliyi də vaxtilə etdiyi bir jestə görə onunla maraqlanmağa başlayıb.
Xatırlayırsızsa, 2011-ci ildə Qərb təmsilçisinə rəhbərlik edən İsayev klub rəhbərliyinin tapşırıqlarına əməl etməyib istefa vermiş, “Mən tapşırıqla meydana oyunçu buraxmayacam, şəxsiyyətimi və nüfuzumu qorumaq üçün bu addımı atdım”, demişdi.
Bu hərəkəti ilə hörmət qazanan Mirbağır bəy hazırda “Səbail” akademiyasına rəhbərlik edir. Ona təklif edildiyini, yoxsa gəzən söz-söhbətin gəncəli azarkeşlərin arzusu olduğunu bilmirik. Lakin dəqiq olan odur ki, kimsə yaxın iki gün ərzində “Kəəzin baş məşqçisi olacaq. Hələlik sürpriz naizəd Mirbağır bəydi, bəlkə yeni sürprizlər də oldu?
- Ölkə futbolu2024-04-22 08:00
İddialıların “autsayder ovu”
- Ölkə futbolu2024-04-22 08:34
Musa “Yurqorden” dəftərini bağladı?
- Ölkə futbolu2024-04-23 12:31
AFFA-da gündəm: 12 komandalı Premyer Liqa, aşağı liqa klublarına dəstəyin artırılması
- Milli komanda2024-04-23 16:30
Milli komandaya məşqçi seçimi: “Ad açıqlaya bilmərik”