Ölkə futbolu
“Keşlə”də özbaşınalıq: Meza Kolli Klotsu qovdurdu, qardaşını gətirdi
“Keşlə”nin yeni idman direktoru Ceyhun Sultanov çoxdan işə başlasa da, təyinatı rəsmən açıqlanmayıb. Uyğun zamanı gözləyən klub rəhbərliyi bu şəxs ətrafındakı söz-söhbətin səngiməsi üçün səbr edir. “Neftçi”dəki uğursuz işinə görə qovulan sabiq futbolçunun, buna baxmayaraq, tezliklə başqa paytaxt klubunda fəaliyyətə başlaması heç də yaxşı qarşılanmır. Onun SOCAR-dan maliyyələşən bir klubdan digərinə yollanmasını yuxarı dairələrdə narazı qalanlara həzm etdirmək üçün zaman lazımdı.
Buna baxmayaraq, Sultanov işinin başındadı. Və fəaliyyəti də elə proqnozlaşdırdığımız kimidi – sıradan oyunçuları heyətə doldurub, yayda növbəti bazarlığa zəmin hazırlayır.
Anatole Abanq və Nicat Qurbanovu heyətə qatan “Keşlə” Sadio Tounkaranın keçidini də tezliklə açıqlayacaq. Hazırda düşərgədə olan malili yarımmüdafiəçinin transfer vərəqi gəldikdən sonra rəsmi açıqlama yayılacaq.
Dünənki məşqlərdə əcnəbilərdən Stanislav Namaşko, Miyusko Boyoviç və Anatole Abanq iştirak edib. Digər əcnəbilər icazəlidi və ən geci sabaha kimi hamı düşərgədə olmalıdı. Lakin onlardan birini Bakıda bir daha görməyəcəyik. “Keşlə”nin özünə klub tapmasını istədiyi 3 əcnəbidən biri ilə yolların ayrılacağı dəqiqləşib. Silvio Rodriges və Con Kamaraya yiyə duran tapılmayıb, lakin 3-cü dövrənin startınadək onların yola salınıb başqaları ilə əvəzlənməsi gündəmdədi.
Dmitro Klotsun adının Peşəkar Futbol Liqasında “Keşlə”nin iştirak ərizəsindən çıxarılması isə təsadüfi deyil. Bakılılar – təxmin etdiyimiz kimi – bu oyunçu ilə müqaviləni qarşılıqlı razılıqla pozub. Beləcə mövsümün startından bu yana göndərilən futbolçuların sayı 6-ya (Alvaro Tavares, Artur Batista, Aleksandr Kristavao, Cavid İmamverdiyev, Şahrux Qadoyev, Dmitro Klots) çatıb. Belə transfer siyasətinin nəyə xidmət etdiyini isə 5 milyon manatlıq büdcəni il bitənə kimi əritmək qərarına gələn “Keşlə”nin Müşahidə Şurasının sədri Zaur Axundov hamıdan yaxşı bilir.
Ən maraqlısı “Keşlə”nin Klotsu digər əcnəbisinin istəyi ilə qovmasıdı. Paraqvaylı Sezar Meza Kollinin hörməti klubda Sultanovdan da, baş məqşiçi Yunis Hüseynovdan da yüksəkdi. Məhz o, qardaşı Derlisin yanına gətirilməsini tələb edib. Belədə dayaq yarımmüdafiəçilərindən biri yola salınmalıydı və seçim ilk olaraq Kamaranın yox, məhz Klotsun əleyhinə edilib.
Sezarın istəyi də yerinə yetirilib. Dünən Bakıya dönən legioner qardaşını özüylə gətirib. Beləcə “Futbolinfo”nun daha bir xəbəri doğrulub. Hələ dekabrda “Keşlə”nin 33 yaşlı yarımmüdafiəçini sıralarına qatacağını yazmışdıq. 13 illik peşəkar karyerası ərzində 13 klub dəyişən Derlis beləcə ikinci dəfə “Keşlə”də oynayacaq.
- Premyer-liqa2024-05-17 23:50
“Əcnəbi hakimlərinin dəvət olunmasını xoş qarşılamadım” – Qurban Qurbanov
- Premyer-liqa2024-05-18 18:58
“Neftçi”, “Zirə” və “Sabah”dan vacib qələbə
- Ölkə futbolu2024-05-19 10:44
Mahirin 2024-cü ildə ilk oyunu
- Premyer-liqa2024-05-18 09:00
“Sabah” “Sumqayıt”a, “Səbail” “Neftçi”yə, “Kəpəz” “Zirə”yə qarşı