Məmmədov təbrik yazacaq, sonra isə…

AFFA-da gərgin iş günü başlayıb. “Qarabağ”ın tarixi uğurundan sonra bu klubla Azərbaycan futbolu arasındakı fərqi qapatmaq üçün nələrsə etmək lazımdı. Hansısa fotossesiya ilə eyibin üstünü örtmək olmaz. İş, nəticə baxımından ortaya qoymağa nəsə yoxdu. Amma nə, nə?..

Qurumun icraçı vitse-prezidenti Elxan Məmmədov indi mətn hazırlamaqla məşğuldu, bəlkə də artıq gecədən hazırlayıb və mətbuatda kütləvi yayılmasına nəzarət edir. AFFA prezidenti Rövnəq Abdullayevin adından təbrik mütləq olmalıdı ki, uğura şərik çıxmağa əlyeri olsun. Guya ki, 14 ildi AFFA məqsədyönlü iş görür və bunun nəticəsində “Qarabağ” tarixi zəfərləri reallaşdırır.

Hələlik bununla kifayətlənəcəklər, daha sonra pərdəarxası oyunlar, məkrli planların hazırlığı başlayacaq. Belə uğurdan sonra dövlət rəhbərliyinin “Qarabağ”ı qəbul edəcəyi şübhə doğurmur. Dövlət başçısı İlham Əliyev hətta ən sıx qrafikdə belə bu kimi məsələlərə həssas yanaşıb, azarkeşi olduğu futbolda qazanılan uğurları yüksək qiymətləndirib. AFFA rəhbərliyinin bacarıqsızlığı üzündən milli komanda ümidləri doğrultmasa da, “Qarabağ” cənab Prezidentin üzündən təbəssümü əskik etməyib.

İndi Məmmədov himayədarları vasitəsilə bu görüşün baş tutmaması üçün hər şey edəcək. Əks halda, öz bacrıqsızlıqları bir daha ifşa olunacaq.