Ölkə futbolu
Mahir məşqlərə başladı
Azərbaycan millisinin futbolçusu Mahir Emreli məşqlərə başlayıb. Zaqreb “Dinamo”sunun hücumçusu komandanın dünənki məşqində kollektivlə birgə hazırlıqda iştirak edib.
26 yaşlı ön xətt oyunçusu özü də məşqdən şəkil paylaşıb. Onun UEFA Konfrans Liqasının pley-off mərhələsində İspaniya klubu “Betis”lə bu gün keçiriləcək cavab görüşündə iştirakı baş məşqçinin qərarından asılı olacaq.
Qeyd edək ki, Emreli yanvarın əvvəlində Sloveniyanın “Roqaşka” klubu ilə yoxlama görüşündə zədələnmişdi.