Nadal tarixdə 4-cü yerə yüksəldi

“Böyük dəbilqə” seriyalı turnirlərdə 22 dəfə çempion olan Rafael Nadal Yeni Erada qazanılan qələbələrin sayına görə 4-cü pilləyə yüksəlib. Bu hadisə onun dünən Dominik Timi məğlub etməsindən sonra baş verib. Avstriyalı tennisçi üzərində qələbə Nadalın karyerasında 1069-cu olub. Bununla da o, İvan Lendli ötüb.

Ən çox qələbə qazanan 5 tennisçinin siyahısı belədir:

1. Cimmi Konnors – 1274

2. Rojer Federer – 1251

3. Novak Cokoviç – 1089

4. Rafael Nadal – 1069

5. İvan Lendl – 1068

Xatırladaq ki, Nadal bir illik fasilədən sonra ilk rəsmi görüşünü keçirib. İdmançı qələbəni şərh edərkən statistika haqqında düşünmədiyini, əsas diqqətini orqanizminin özünü necə aparmasına yönəltdiyini qeyd edib.

İspan tennisçinin Brisben turnirində növbəti rəqibi Kubler olacaq. Görüş sabaha planlaşdırılıb.