Müsahibə
“Neftçi”nin yeni transferi: “Çempion olmaq istəyiriksə, daha yaxşısını etməliyik”
Adrian Mutu “Neftçi”nin baş məşqçisi olduqdan sonra ilk transferini də ölkəsindən həyata keçirdi. Ötənlərin məşhur futbolçusu keçən mövsüm “Rapid”in ən yaxşılarından olan braziliyalı mərkəz müdafiəçisi Yuri Matiası heyətə qatdı.
“Sambaçı” futbolinfo.az-a müsahibəsində “ağ qaralar”a keçidindən və buradakı hədəflərindən danışıb.
– Adrian Mutu “Neftçi”nin baş məşqçisi kimi ilk transferi sən oldun. Onunla öncədən tanış idin?
– Mən onu əvvəlcədən tanıyırdım. Yaxşı məşqçi və yaxşı insandır. Bura gəlməzdən öncə onunla əlaqə saxladım. Qərarımı vermək üçün bu, vacib idi. Agentimlə də danışdım və qətiləşdirdim ki, mən “Neftçi”də oynaya bilərəm. Bura çalışmaq və komandaya kömək etmək üçün gəlmişəm. Karyeramın yeni səhifəsində uğurlu olmaq istəyirəm.
– “Neftçi” Azərbaycanın ən köklü klubudur. Onun haqqında hansısa məlumat sahib idin?
– Bunu bilirəm, sadəcə, qərarıma təsir edən əsas amil komandanın hədəfləri idi. Belə böyük komandada titullar üçün mübarizə aparmaq təbii ki, hər kəs üçün önəmlidir.
– Son illərdə “Neftçi” uğursuzluq yaşayır və azarkeşlər komandadan narazıdır. Səncə, yeni baş məşqçi və sənin kimi yeni futbolçularla bu durumdan çıxa biləcəksiz?
– Yalnız birlikdə mümkündür. Futbolçular, məşqçilər və azarkeşlərlə birlikdə 100 faiz güclü olacağıq. Bu durumdan çıxıb yaxşı nəticələrə imza atmaq istəyirik.
– Ötən il “Qarabağ”a çempionluq yolunda tək maneə “Sabah” görünürdü. Sizin bu komandalar haqqında məlumatınız var?
– Bilirəm ki, bu rəqiblər yaxşı heyətə və komandaya sahibdirlər. Amma çempion olmaq istəyiriksə, onlardan daha yaxşısını etmək üçün çalışmalıyıq.
– Rusiyada “Spartak”a 0:2 hesabı ilə uduzduğunuz oyunda meydana çıxdın. Özünü ilk dəfə bu komandada necə hiss etdin?
– Bəli, çox yaxşı rəqibə qarşı çətin oyun keçirdik. Hər kəsin bildiyimi kimi, rəqib çox yaxşı komandadır. Amma mən özümü normal hiss etdim. Bu cür komandalara qarşı oynamaq üçün daha çox iş görməliyik.
– Konfrans Liqasının 2-ci təsnifat mərhələsində Bosniya və Herseqovinanın “Jelezniçar” klubuna qarşı matçınıza az vaxt qalır. Ümumiyyətlə, bu komanda haqqında nə bilirsiz?
– Mən onları yaxşı tanımıram. Düzdür, az vaxtımız qalıb, amma təsnifat mərhələsində qalib gəlmək üçün əlimizdən gələni edirik. Bizim hədəfimiz var.
– Azarkeşlər nəhayət, qrup mərhələsi gözləyir…
– Biz bunun üçün hər şeyi verməyə hazırıq. Birlikdə çalışsaq, istədiyimizi edə bilsək, təbii ki, qrup mərhələsində də oynaya bilərik.
– “Neftçi” səndən sonra Rumıniyadan daha bir transfer edib. Bakı klubu “Sepsi”dən Mark Tamaşı heyətə qatıb. Onunla tanışsınız?
– Bu barədə danışmaq istəmirəm.
FƏRİD
- Premyer-liqa2024-05-04 21:21
“Neftçi” “Qarabağ”a böyük hesabla uduzdu
- Premyer-liqa2024-05-04 18:23
“Kəpəz”dən “Sumqayıt”la əzmkar heç-heçə
- Digər idman növləri2024-05-03 16:28
“Prezident Kuboku”: Azərbaycan səkkizinci medalı qazandı
- Milli komanda2024-05-04 15:39
Millimiz UEFA İnkişaf Turnirində ikinci oyununda da uduzdu