Növbəti heç-heçə

Qazaxıstanda dünya şahmat tacı uğrunda mübarizə davam edir. Bu gün 10-cu partiya oynanılıb.

Ardıcıl qələbələrdən sonra qrossmeysterlər sanki istirahət götürüblər. Bu dəfə də görüş heç-heçə başa çatıb.

Bir neçə gün əvvəl çıxan xəbər deyəsən, doğruluğunu sübut edir. Belə ki, ardıcıl ikinci dəfədir ki, Din Lijen ağlarla oynadıqda Yan Nepomnyaşı müdafiə olunarkən əziyyət çəkmir. 10-cu partiyada da belə olub. Bəzi hallarda cüzi üstünlüklər yaransa da, hücumları sona qədər davam etdirmək mümkün olmayıb. Beləliklə də, matç ərzində bəlkə də ən sönük partiyalardan biri oynanılıb.

Mətbuat konfransında rus şahmatçı rəqibin belə debütünü gözlədiyini bildirib. Onun sözlərinə görə, Din bu cür debütləri tez-tez edir.

Din Lijen isə Yanın 5-ci gedişdə fillə C5 oynamasını gözləmədiyini dilə gətirib. Çinli şahmatçının sözlərinə görə, bu gediş onu müəyyən mənada çaşdırıb. Bugünkü heç-heçədən məyus olduğunu vurğulayan Lijen qarşıdakaı 4 partiyadan birində qələbə qazanmağa ümid etdiyini də söyləyib.

Bu partiyadan sonra Yan Nepomnyaşının 1 xallıq üstünlüyü davam edir. Qrossmeysterlərin növbəti qarşılaşması sabah baş tutacaq. Bu dəfə ağlarla rusiyalı şahmatçı oynayacaq.