Milli komanda
Obradoviç danışmaq istəmədi: “Daha çox məlumat əldə etməliyəm”
Adı Azərbaycan yığması ilə yanaşı hallanan Milan Obradoviç açıqlama verib. Futbolinfo.az saytına danışan serbiyalı mütəxəssis məlumatı nə təsdiq, nə də təkzib edib.
Vaxtilə U-21 millimizə rəhbərlik edən Obradoviç deyib: “Bu barədə bir şey deyə bilməyəcəm. Hələ daha çox məlumat əldə etməliyəm”.
Milan Obradoviç 2019/2022-ci illərdə Azərbaycan U-21 millisini çalışdırıb. Onun vaxtında komandamız ən uğursuz dönəmlərindən birini keçirib, hətta Lixtenşteynin tarixi ərzində ilk qələbəsinə “töhfə verib”. İndi kimin və hansı ağılla bu şəxsi yenidən ölkəmizə gətirmək istəməsi çox maraqlıdır. Məşqçi karyerası uğursuzluqdan ibarət olan, ölkəmizi tərk etdikdən heç yerdə işləməyən Milanı indi birdən-birə əsas komandaya hətta namizəd göstərmək utancvericidir.