Digər idman növləri
“Prosesləri kənardan izləyə bilməzdim”
“Voleybol Federasiyasındakı dəyişiklikdən sonra qısa müddət ərzində çoxlu işlər görülüb” – bunu gənclər və idman naziri Fərid Qayıbov Azərbaycan Voleybol Federasiyasının 2023-cü ildəki fəaliyyətinə həsr olunmuş mətbuat konfransında deyib.
O, bölgələrdə yeni voleybolçuların seçildiyini bildirib: “Bu, gələcəkdə milli komandanın formalaşması üçün önəmlidir. 2023-cü il bizim üçün uğurlu idi. 30 ildən sonra Xankəndiyə qayıtdıq. Oradakı futbol oyunu ən vacib idman tədbiri idi. Qarşıdakı bayramlarınızı da təbrik edirəm. Yeni ilə yaxşı nəticələrlə gedirik”.
Yenidən Azərbaycan millisinin baş məşqçisi təyin olun Faiq Qarayev də təəssüratlarını bölüşüb: “Mənim üçün xoş gündür. 2024-cü ildə voleybolda məşqçiliyimin 40 ili tamam olacaq. Prosesləri kənardan izləyə bilməzdim. Voleybol həmişə yüksəklərdə olub (Report)”.
64 yaşlı mütəxəssis bu təklifi qəbul edərkən çox fikirləşdiyini söyləyib: “İşim çox çətindir. Bu işə gələrkən qarşıma bir məqsəd qoydum. Bu, tək mənim işim deyil. Əl-ələ verib bu idman növünü yüksəklərə qaldıra bilərik. Keçmişlə yaşaya bilmərik. Uğurlar olub. Yığmanın baş məşqçisi olmaq hər kəsə nəsib olmur. Şərəfli və məsuliyyətli işdir. Hesab edirəm ki, düzgün istiqamət götürsək, nailiyyətlər əldə edə bilərik”.